10 метрге ұшырған: Алматыда тойдан шыққан жұпты көлік қағып өлтірді (фото)

Алматы маңында Volkswagen Golf жүргізушісі рұқсат етілмеген жерден жолды кесіп өтпек болған ер адам мен әйелді қағып өлтірді деп хабарлайды Zakon.kz-ке сілтеме жасаған KAZ.NUR.KZ.

Қайғылы жағдай 14 сәуір күні түнгі сағат бір шамасында Алматы-Бішкек тас жолының 23 шақырымында орын алған.

Қол ұстасқан жұп "Бахар" мейрамханасынан шығып, жолдан өтпек болыпты.

Жарығы жоқ бөлікте ер адам мен әйелді жеңіл автокөлік қағып кеткен. Соққының күшті болғаны соншалық, оларды 10 метр қашықтыққа дейін ұшырып жіберіпті.

Алған жарақаттарының салдарынан әйел сол жерде жан тапсырған. Ал оның сүйіктісі ауруханада көз жұмды.

Порталдың жазуынша, қайтыс болғандар сол түні ойдан шыққан көрінеді. Олардың қолындағы сөмкеде тамақ және ойыншықтар болған.

Мәтіннен қате тапсаңыз, бізге жазыңыз