RU
Ақтөбеде қырдың үстінде пайда болған "Алла" деген жазу жұртты таңғалдырды (фото)
Жаңалықтар Қоғам

Ақтөбеде қырдың үстінде пайда болған "Алла" деген жазу жұртты таңғалдырды (фото)

Рассказать Вконтакте

Ақтөбе облысы Қарғалы ауданындағы төбелердің бірінен тұрғындар ерекше құбылысты байқады. Жол бойындағы төбешіктің үстіндегі қарауытқан тастар "Алла" деген жазуға ұқсайды деп хабарлайды KAZ.NUR.KZ тілшісі.

Ақтөбеде қырдың үстінде пайда болған "Алла" деген жазу жұртты таңғалдырды (фото)

Фото: KAZ.NUR.KZ

Жергілікті тұрғындар бұл құбылысты Жаратушының құдіреті деп жүр. Себебі төбе үстіндегі тастарға қыста қар түспейді екен. 

"Бұл төбедегі жазу соңғы он жылдықта пайда болды. Қыста үстіне қар түспейді, жазда ол жерге шөп өспейді. Жергілікті тұрғындар жазуды "Алла" деп оқып жүр. Бұл жазуға қатысты зерттеу жұмыстары жүргізілмеген. Сондықтан нақты айту қиын, бірақ бір ерекшеліктің бары анық", - дейді Қарғалы ауданы әкімдігінің қызметкері Асхат Айжарықов.

Дін қызметкерлері де таспен жазылған жазудың арабша "Алла" деген сөзге ұқсайтынын растап отыр. 

Ақтөбеде төбенің үстіне "Алла" деген жазу пайда болды

Фото: KAZ.NUR.KZ

"Бұл жазу арабша "Алла" деген жазуға аздап ұқсайды. Бірақ, нақты емес. Ал осы секілді жоталарда немесе төрт түлік малдың үстіне "Алла" деген жазудың көрініс табуы – Алланың құдіретінің бір белгісі. Мұндайды көргенде Жаратушы Иемізге мадақ-мақтау айтқан жөн.
Алайда, мұндай жазулар өзіміз күнде көріп жүрген Құдайдың құдіретінен (күннің шығуы, батуы, жердің айналуы т.б.) артық құбылыс дей алмаймыз. Өйткені адамның өз бейнесінде (дене-бітім, ақыл-парасат, сезім мүшелері) Құдайдың құдіретін көрсететін белгілер бар екендігін құранда айтылады.
Алланың құдіретін көргіміз келсе, сабақ алғымыз келсе, ағаштан үзіліп түскен жапырақ та біз үшін өнеге", - дейді Ақтөбе облысының өкіл имамы Төлеби Оспан.   
Сіздің реакцияңыз
13
0
5
1
1
23
1
Спасибо за Ваше мнение Вы уже голосовали
Тағы да оқыңыздар
Жүктеу...
Mailfire view pixel