RU

Тоқаев Арыстағы жарылысқа байланысты шұғыл шара қабылдауды тапсырды

Қазақстан президенті Қасым-Жомарт Тоқаев Қорғаныс, Ішкі істер министрліктеріне және Түркістан облысы әкіміне жарылыс зардаптарын жоюды тапсырды деп хабарлайды KAZ.NUR.KZ.

Арыстағы жарылыс: Тоқаев жарылыс зардаптары жобды тапсырды
Фото: Видеодан скриншот: Facebook

Тоқаев тиісті өкілдерге тапсырма бергенін Twitter парақшасында мәлімдеді.

"Қорғаныс, Ішкі істер министрлеріне және Түркістан облысының әкіміне Арыс қаласындағы әскери бөліміндегі оқ-дәрі қоймасында болған жарылыстың зардаптарын жою жөнінде шұғыл шаралар қабылдауды тапсырдым. Тұрғындардың қауіпсіздігін қамтамасыз етіп, жарылыстың себептерін анықтау қажет", - деп жазды президент.

Еске сала кетейік, бүгін таңғы 09:20-да Арыста орналасқан әскери бөлімшедегі қоймада жарылыс болды. Жарылыс қала тұрғындарын дүрліктіріп, зәресі ұшқан тұрғындар жаппай қаладан кете бастады.

Қорғаныс министрлігі зардап шеккендер жоқ екенін мәлімдеді.

Мақаланың түпнұсқасы: https://kaz.nur.kz/1801220-tokaev-arystagy-zarylyska-bajlanysty-sgyl-sara-kabyldaudy-tapsyrdy.html