RU
Арыста тұрғындар үйлеріне оралғаннан кейін де төтенше жағдайлар болған

Арыста тұрғындар үйлеріне оралғаннан кейін де төтенше жағдайлар болған

Рассказать Вконтакте

Арыс қаласының тұрғындары қалаға оралғаннан кейін де елдімекенде төтенше жағдайлар оқиғасының тоқтамағаны анықталды деп хабарлайды өңірдегі KAZ.NUR.KZ тілшісі.

Фото: Видеодан кадр

Фото: Видеодан кадр

Өткен дүйсенбі, 24 маусым күні орын алған жарылыстан кейін Арыс қаласының көптеген тұрғыны 28 маусым күні үйлеріне оралды.

Түркістан облыстық Төтенше жағдайлар департаментінің басшысы Нұрғали Жүнісовтің мәліметінше, содан бері қалада екі шаруашылық құрылысы мен екі дала өрті орын алған. Бұл төтенше оқиғалардың шығу себебі әлі анықталып жатыр.

Департамент басшысы оның орын алуы ел арасында айтылып жүрген "жарылмай қалған снарядтардың салдарынан болды" деген әңгімеге еш қатысы жоқ дейді.

Себебі, өрт кезінде ешбір снаряд қалдығы табылмаған.

Сонымен қатар, Нұрғали Жүнісов 28-і күні таңғы сағат төрт жарым шамасында Арыстағы әскери бөлімшеге жақын аумақтағы тұрғын үйде өрттің болғанын да айтты.

Ал тұрғындардың алғашқы легі қалаға тура сол күні таңғы сағат сегіздерде жеткізілді.

""Әлеуметтік желілерде жарылмай қалған жарылыпты, абай болыңыздар" деген ақпарат жүргенін білемін. Оған қатысты полицейлер де бізден сұраған болатын. Ол жердегі өртке электр желілерінің тұйықталуы ықтимал болуы мүмкін. Ешқандай снаряд бөлшегі табылған жоқ. Ол бізде құжатта тіркелген", - деді облыстық ТЖД басшысы.

Жалпы айтқанда, өңірдегі төтенше жағдай қызметкерлері Арыста жарылыс оқиғасы орын алғалы бері 70 өрт орындарын сөндірген.

Оның 25-і тұрғын үйде, 15-і шаруашылық құрылыс басында, қалғаны дала өрттері.

Естеріңізге сала кетсек, желіде жарылыстан кейін тазарту жұмыстары кезінде жиналған снарядтардың видеосы пайда болған.

Сондай-ақ, қорғаныс министрлігі Арыстықтарды тарс еткен дыбыстардан үйрейленбеулерін сұрады.

Сіздің реакцияңыз
10
1
1
0
0
0
0
Спасибо за Ваше мнение Вы уже голосовали
Тағы да оқыңыздар
Жүктеу...
Mailfire view pixel