RU
Елорда әкімдігі Көлгіновтің атын жамылған алаяқтарға ескерту жасады
Жаңалықтар Қоғам

Елорда әкімдігі Көлгіновтің атын жамылған алаяқтарға ескерту жасады

Рассказать Вконтакте

Нұр-Сұлтан әкімдігі қала басшысы Алтай Көлгіновтің атын жамылған жалған аккаунттар пайда болғаны туралы ресми хабарлама жіберді. Ведомствоның мәлімдеуінше, мұндай әрекетке барғандар заң жүзінде жазаланады екен деп хабарлайды KAZ.NUR.KZ.

Фото: Elorda.Aqparat

Фото: Elorda.Aqparat

"Әлеуметтік желілерде Нұр-Сұлтан қаласының әкімі Алтай Көлгіновтің жалған аккаунттары пайда болды.

Осыған байланысты, Алтай Көлгіновтің Twitter @AltayKulginov (твиттерге тіркелген уақыты 2017 жылдың қараша айы), Facebook, instagram @altay_kulginov_official әлеуметтік желілерінде ғана тіркелгенін хабарлаймыз.

Бұқаралық ақпарат құралдарының өкілдері, сондай-ақ әлеуметтік желілерді пайдаланушыларын Нұр-Сұлтан қаласы әкімінің жоғарыда аталған ресми аккаунтарында келтірілген ақпаратты пайдалануды сұраймыз", - делінген әкімдік жолдаған хабарламада.

Қала билігі желіде жалған парақша ашқандар заң алдында жауап беретіндігін мәлімдеді.

"Әкімнің атынан басқа аккаунтарда орналастырылған кез-келген ақпарат жалған екенін мәлімдейміз. Жалған аккаунтардың пайда болуына байланысты қала әкімінің аппараты қасақана жалған ақпараттың таралуын болдырмау үшін құқық қорғау органдарына жүгінуге мәжбүр болады", - деп жазылған хабарламада.
Сіздің реакцияңыз
0
0
0
0
0
1
1
Спасибо за Ваше мнение Вы уже голосовали
Тағы да оқыңыздар
Пікір
Mailfire view pixel