RU

Шымкентте ескі гараждан төрт жасар қыздың денесі табылды (фото)

Шымкентте МЖК ауданында төрт жасар қыздың денесі табылды. Куәгерлердің айтуынша, бүлдіршінді өлтіріп кеткен деп хабарлайды Otyrar.kz сайтына сілтеме жасаған KAZ.NUR.KZ.

Фото: Otyrar
Фото: Otyrar: Depositphotos

Көршілердің сөзінше, марқұм қыз денесі табылған жерден 500 метр қашықтықта анасымен бірге тұрған. Келесі айда ол төрт жасқа толатын еді. Қазіргі таңда оның денесі сот-медициналық сараптамаға жіберілді.

Халипа есімді жергілікті тұрғын марқұм қыздың анасынан не себепті оны жалғыз қалдырып кеткенін сұраған. Қайғыдан қан жұтқан ана ол кезде жұмыста болғанын айтып, орын алған оқиға өзі үшін нағыз шок күйіне түсіргенін жеткізді. Бұл оқиғадан кейін Халипа әже өзінің немерелері үшін қорқатынын айтып отыр.

Фото: Otyrar
Фото: Otyrar: Depositphotos

Басылымның жазуынша, оқиға орын алған аудан Шымкенттегі аса қылмыстық мекендердің бірі болып саналады. Гараждардың қасынан үйі жоқ кезбелерді, наркомандарды және алқаштарды жиі кездестіруге болады.

Криминалист мамандар қылмыс орын алған жерде жатқан бөтелкелерден саусақ іздерін жинап алды. Оған қоса, бойы 180 см болатын, арықтау келген, шамамен 39 жастағы азаматтың іздестіріліп жатқаны анықталды.

Фото: Otyrar
Фото: Otyrar: Depositphotos

Бөлімше полицейімен бірге кішкентай қызды іздеген туысы оның денесін гараждардың бірінен тапқанын айтты.

Оқиға орнына жүгіріп келген қыз баланың әкесі оны көтеріп, үйге алып кірген. Сол жерден балақайдың денесін сараптамаға жіберген.

Әйел адамның сөзінше, бүлдіршіннің үстінде іш киімі болмаған. Сонымен қатар, беті көк түсті болып көрінген.

Мақаланың түпнұсқасы: https://kaz.nur.kz/1806360-symkentte-eski-garazdan-trt-zasar-kyzdy-denesi-tabyldy-foto.html