"Өте сапалы": Ақтөбеде жүрген Мамин өзіне 18 мың теңгеге күрте сатып алды (фото, видео)
Жарияланған күні:
Бүгін премьер-министр Асқар Мамин жұмыс сапарымен Ақтөбеге барды. Үкімет басшысы қаладағы арнайы киім дүкенін аралап жүріп, су тегін бағаға тұрған қыстық күртеге қызықты деп хабарлайды KAZ.NUR.KZ тілшісі.
Отандық өнімнің сапасына жоғары баға берген басшы екі жағында киюге болатын арнайы күртенің 54-өлшемін сұрады.
"Өте сапалы өнім. Ыңғайлы екен, бағасы да қолайлы. Енді жұмысқа, іссапарларға киетін боламын. Сіздерге де кеңес беремін", - деді премьер-министр.
Асқар Мамин өзінің суреті бар картамен төлем жасады. Сонымен қатар, үкімет басшысының көмекшісі да "Глобал" ЖШС-нің 860 теңге тұратын қалпағын алды.
Премьер-министр тігін фабрикасының жұмысына жоғары баға берді.
"Глобал" ЖШС Қазақстандағы үздік тауарларын ұсынып отырған фабрикалардың бірі. Арнайы киім тігумен айналысатын фабрика 2004 жылы іске қосылған. Жылына 250 мың теңгеге өнім береді. Ондағы инвестиция көлемі - 160 млн теңге.
Мақаланың түпнұсқасы: https://kaz.nur.kz/politics/kazakhstan/1812602-aktbede-zrgen-askar-mamin-zine-18-my-tegege-krte-satyp-aldy-foto/
Жарияланымға реакцияңыз?
Соңғы пікірлер
Барлық пікір саны: 2
Талқылауға қатысу немесе пікірлерге реакция қалдыру үшін профиліңізге кіріңіз.
Қарапайым халыққа 18 мың теңге дардай ақша. Мысалы көп балалы отбасыларға берілетін әлеуметтік көмек 21000 теңге. Ар жағында 3 мың теңге айырмашылығы. Осы 21 мың теңгемен қаншама отбасы жаға жыртысып, төбелесіп қол жеткізді. Сол отбасылардың кіріп тұрған кіріс көзі. Ал кейбіреулерге 18 мың теңге "СУ ТЕГІН БАҒА". Қарапайым халыққа бұндай жаңалық аса қатты керек емес деп ойлаймын!
Аия
Тек жақсы жақтарымызды көрсетеміз. Неге басқа актуалды сұрақтарды сұрамаймыз. Шындықты өз көздерімен көрсе дұрыс болады. Оның күртеше алып кигені біреуді қызықтырды ма екен
Murabai