"Алашұлының" продюсері "Қатыным" деп ән салған әншінің топтан неге кеткенін айтты

"Алашұлының" продюсері Назгүл Қарабалина Әзімбек Байлиннің неге топтан кеткенін халыққа түсіндіріп берді деп хабарлайды KAZ.NUR.KZ.

Бұл туралы продюсер 31 арнадағы "Айте берсін" бағдарламасында айтып берді.

"Қай әнші болсын біздің топта, егерде ол бағыттан ауытқитын болса, ол Әзімбектің жолымен кетеді", - деді Назгүл Қарабалина.

Продюсер Әзімбекті топтан шығарып жібергенін ашық айтты.

"Біріншіден, Әзімбек шығып кеткен жоқ. Біз Әзімбекпен келісім шартты тоқтаттық. Себебі, формат деген дүние бар. "Алашұлының" ұстанған өзіндік бағыты, форматы бар. Әзімбек өкінішке орай, форматтан тыс әрекеттер жасады, әндер жазды.

Енді "Батырлар ұранын" айтып отырған адамға "Қатыным" деген ән ешқайда сыймайды. Топтың форматын, бағытын бұзуға ешкімге рұқсат бермейміз", - деп сөзін қорытындылады Назгүл Қарабалина.

Еске сала кетсек, "Қатыным" деп ән шырқаған Әзімбек Байлинді жұрт сынға алған болатын