Top.Mail.Ru

Сайт нұсқасы

ru kz

Зектілері

"Тоқалдарын тықпалағысы келген": Аша Матай қызметіндегі сұмдық жайтпен бөлісті

Опубликовано:

Отандық танымал актриса әрі тележүргізуші Аша Матай әлдекімдердің өзін эфирге шығарғысы келмей жүргенін айтты. Арман Қоңырдың жары бұл істің артында "тоқалдарын телевизияға тықпалағысы келген дөкейлер" тұрғанын топшылады деп жазады KAZ.NUR.KZ.

Тележүргізуші қызметіндегі сұмдық жайтты өзінің Instagram парақшасы арқылы жеткізген.

Онда ол жағдайдың мән-жайын егжейлі-тегжейлі айтып берді. Ашаның сөзінше, белгісіз біреулер оған көгілдір экран алдына шықпауы үшін ақша ұсыныпты.

"Таяуда ғана, нақтыласақ бір аптадай бұрын мен «Еуразия» бірінші арнасында жаңа телевизиялық жоба жарық көреді дегенмін.

Мұндай мәлімдемеден соң, телефоным тыным таппады. Рас айтамын. Оның үстіне «Инстаграм» желісінде жарыса жазған жұртты көрсеңіз. Соңы жоқ.

Бір қызығы қоңыраулардың бірінде маған жоба жүргізушісі болмауымды өтініп, ақша ұсынғандары болды.

Түсінгенім, бұл оғаш қылықтың барлығы менің жүргізуші болмауым үшін ойластырылғандай көрінді. Тамсанып отырмын.

Бұл әлгіндегі пысықай «көкелер» мен «дөкейлердің» құйтырқы әрекеті деп топшылаймын. Тоқалдарын тықпалағысы келгені болар.

Иә, рас! «Еуразия» арнасы қашан да рейтингі жоғары жобалардың ордасы екені мәлім. Сондықтан болар, батпанқұйрыққа салынып, кей айлакерлердің эфирдің ішкі кухнясына араласқысы кеп жүргені. Ал қолынан келмейтіндер мұндайда ашық түрде аяқ шалмақ болады.

Мұндайда «дайын асқа тік қасық» деген орамды ой санаға оралады. Тіркесті әркім әртүрлі түсінетінін аңғарасың ғой осындайда!

Не десе де мен арзан ақша тауып, жеңілдің үстімен жүруден аулақпын. Мен үшін маңдай ақы термен тапқан аз-маз қаржым абыройлы. Ұятты! Сол үшін мендік жол осы. Дәлірек айтсақ, адалы осы" , - деп ағынан жарылды ол.

Мақаланың түпнұсқасы: https://kaz.nur.kz/showbiz/1816284-tokaldaryn-tykpalagysy-kelgen-asa-mataj-kyzmetindegi-smdyk-zajtpen-blisti/

pixel