"Түрік азаматы": Белгілі журналист Жанар Хамитованың күйеуі жайлы айтты

Отандық танымал журналист Аяна Ғабдуллина марқұм болып кеткен Жанар Хамитованың бұрынғы күйеуі түрік екенін мәлімдеді. БАҚ өкілі бұрынғы ерлі-зайыптылардың Түркиядағы өмірі мен әншінің экс-жұбайы жайлы бар шындықты ашты деп жазады "Бір сұрақ" бағдарламасына сілтеме жасаған KAZ.NUR.KZ.

Жанардың бұрынғы күйеуі қазақ екенін көпшілікке жария еткеніне қарамастан, белгілі журналист әншінің жолдасы түрік болғанын айтуда.

"Түрік азаматы ғой. Түрік елінің азаматы болды. Ол жақта ұлдарға аса ерекше көңілмен қарайды. Олар шешесіне бермейді, алып қалады. Түрік азаматы болғаннан кейін балалары да түрік азаматы болды. Сондықтан берілмеді. Түркияның азаматы, түрік күйеуі. Қазақстанда тұрған, бірақ азаматтығы Түркияда.

Араларында не болғанын білмеймін. Бірақ, жолдасы бұрын кәсіпкер болған. Кейін басқа жолға түсіп кеткен екен. Қандай жолға екенін айта алмаймын. Нақты дәлелім болмаған соң, айту орынсыз. Сол жолға түскеннен кейін, бәлкім Жанар кетті-ау деймін. Бір пакетпен келгенін білеміз. Ол билетке ақша жинаған, ыдыс жуған" , -деді Аяна Ғабдуллина.

Журналист Жанар Хамитованың күйеуін қазақ деп қоймаған өзге әріптестерін қайта-қайта түзеп, шын мәнінде ол адамның түрік екенін айтты. Тілші Айдос Игіліков те әншінің бұрынғы жолдасы "Алматыда жүрген түрік" болғанын растады.

Айта кетейік, 16 қыркүйек күні Жанар Хамитованың қайтыс болғаны белгілі болды. Марқұмның жақын досы Әбуқай бұған дейін әншінің өзіне жіберген соңғы хабарламалары туралы айтып берді.