Алматы облысында полиция бастығы желідегі шулы жазба үшін жұмыстан шеттетілді
Опубликовано:
Алматы облыстық полициясы жергілікті полиция қызметінің бастығы Марат Күштібаев өз қызметінен уақытша шеттетілді. Оған себеп-Youtube желісінде жарияланған аудожазбаға қатысты ішкі тексерістің жүргізілуі. Бұл туралы Ішкі істер министрлігі баспасөз қызметіне сілтеме жасаған KAZ.NUR.KZ хабарлайды.
Министрліктің хабарлауынша, аталған жазба ведомствоға тексеріс үшін жолданған.
Артынша, 19 қыркүйек күні Ішкі істер министрінің қаулысымен Күштібаев уақытша өз қызметінен шеттетілді.
"Жеке қауіпсіздік департаментіне қызметтік тергеу жүргізу тапсырылды",- деді ІІМ-де
Tengrinews.kz агенттігінің хабарлауынша, аудиожазба Күштібаевтың суретімен жарияланған. Онда белгісіз біреу қол астындағыларды сынап жатқанын және арасында мәдениетсіз сөздер айтқанын аңғаруға болады.
Мақаланың түпнұсқасы: https://kaz.nur.kz/society/1817833-almaty-oblysynda-policia-bastygy-zelidegi-suly-zazba-sin-zmystan-kuyldy/
