Қазақстанда биыл қыс қандай болады

"Қазгидромет" Қазақстандағы алдағы қысқы кезеңге арналған ауа райы болжамымен бөлісті. Елімізде қыс мезгілі жылы болады деп күтілуде, тек ақпан айында қалыпты деңгейден суық болуы ықтимал деп хабарлайды KAZ.NUR.KZ.

"Біз қыс мезгілі жылы болады деп болжап отырмыз. Тек ақпан айында Қазақстанның басым бөлігінде ауа температурасы нормадан 1-2 градусқа төмен болмақ. Желтоқсан-қаңтар айлары жылы болады деп күтілуде, себебі бізде күз мезгілі жылы", – деп атап өтті гидрометорталықтың директоры Марина Шмидт.

Қараша айында Қазақстандағы ауа температурасы қалыпты нормадан 1 градусқа жоғары болады. Бұл айда Алматы облысында норма +3-тен -5-ке дейін, Ақмола облысында -5-тен -7-ге дейін, Түркістан облысында +1-ден +7-ге дейін, Атырау облысында 0-ден +1-ге дейін, Ақтөбе облысында -1-ден -4-ке дейін, ШҚО-да -1-ден -7-ге дейін.

Желтоқсан айында ауа температурасы қалыпты нормадан 1-2 градусқа жоғары болуы ықтимал. Алматы облысында -2-ден -13 ке дейін, Түркістан облысында +1-ден -5-ке дейін, Атырау облысында шамамен -4, Ақтөбе облысында -7-ден -11-ге дейін, Ақмола облысында -11-ден -13-ке дейін, ШҚО-да -9-дан -16-ға дейін.

Ақпан айында ауа температурасы қалыпты нормадан 1-2 градусқа төмен болады деп күтілуде. Алматы облысында -2-ден -13-ке дейін, Түркістан облысында +1-ден -5-ке дейін, Атырау облысында шамамен -6, Ақтөбе облысында -10-нан -13-ке дейін, Ақмола облысында -13-тен -15-ке дейін, ШҚО-да -9-дан -17-ге дейін.