Выйти
RU

Сарапшы коронавирусты кімдер тез жұқтыруы мүмкін екенін айтты

Рассказать в Telegram Рассказать Вконтакте

Алматы қалалық тауарлар мен қызметтердің сапасын және қауіпсіздігін бақылау департаментінің басшысы Айзат Молдақасымова жаңа коронавирусты кімдер тез жұқтыруы мүмкін екенін, сондай-ақ, "өлім вирусының" алдын-алу жолдарын айтты деп хабарлайды KAZ.NUR.KZ порталы Қазақпаратқа сілтеме жасап.

Көрнекі фото: NUR.KZ

Көрнекі фото: NUR.KZ

Маманның айтуынша, аурудың негізгі белгілері: тыныс алу жолдарының қабынуы, қызудың көтерілуі, жөтел, демігу, дененің ауыруы, диарея болып табылады.

"Аталған инфекцияны көбіне ұзақ уақыт тыныс жолдарының созылмалы ауруымен ауырғандар, иммунитеті төмен ересек адамдар жұқтыры мүмкін", – дейді Айзат Молдақасымова.

Сарапшы адамдар көп жиналатын жерлерге барғаннан кейін қолды жуу өте маңызды екенін айтты.

Ол еліміздің тұрғындарын өте сақ болуға шақырады.

"Жалпыға белгілі алдын-алу шарасы - бұл қол гигиенасы. Кез келген жағдайда, әсіресе адамдар көп жиналатын жерлерге барғаннан кейін қолды жуу керек. Қол гигиенасын науқас пен оның айналасындағы адамдармен байланыста болғаннан кейін және жеке қорғаныс құралдарын алып тастағаннан соң орындаған жөн. Сондай-ақ, міндетті түрде бөлмені желдетуге шақырамыз. Егер сізде катаральдық құбылыстар байқалса, онда үйден шықпай дәрігерге жүгінген дұрыс", – деді ол.

Одан бөлек, барлық медициналық қызметкерлер мен науқастар әрқашан мыналарды пайдалану керек: медициналық маска, көзді қорғауға арналған зат, таза әрі стерильденбеген ұзын жеңді халат және қолғап.

Сонымен қатар тек бөтелкедегі су мен термиялық өңделген тағамдарды ішу керек.

Еске сала кетейік, бұған дейін еліміздің бас санитар дәрігері Жандарбек Бекшин де ҚРХ аумағында тараған коронавирустың жаңа түрінен қалай қорғануға болатынын айтып берген еді.

Ең маңызды әрі қызықты жаңалықтарды біздің Telegram арнамыздан оқыңыздар!

Қазақстандағы соңғы жаңалықтар мен фото, видео және өзге де эксклюзивтер жайлы алғашқылардың бірі болып біліңіз!

Тағы да оқыңыздар
Жүктеу...
Сарапшы коронавирусты кімдер тез жұқтыруы мүмкін екенін айтты