RU
Ақтөбелік жас жұбайлар тойында жалғызбасты анаға баспана сыйлады

Ақтөбелік жас жұбайлар тойында жалғызбасты анаға баспана сыйлады

Рассказать Вконтакте

Ақтөбеде шаңырақ көтерген жігіт жұбайы екеуіне берілген екі бөлмелі пәтерді баспана қиыншылығын тартып отырған отбасыға табыстады деп хабарлайды KAZ.NUR.KZ Aktobenews.kz-ке сілтеме жасап.

ааааа

Фото: aktobenews.kz

Өз қуанышында қайырымды іс тындырған азамат - "Харекет" қорының Ақтөбе облысы бойынша өкілі Нұрболат Елеусізов.

Ұзақ уақыттан бері мұқтаж жандарға баспана сыйлап, қуанышқа бөлеп жүрген ол өзінің үйлену тойында да игі іс жасауды ұмытқан жоқ.

Нұрболат тойға жиналған қонақтардың алдында жас жұбайларға сыйлыққа берілген екі бөлмелі пәтерді Әсия есімді жалғызбасты анаға табыстады.

ааааа

Фото: aktobenews.kz

Тағдырдың тауқыметін көріп отырған Әсия өз балаларынан бөлек мүгедек екі апасы және сырқаттанған анасына қамқор болып отыр екен.

«Қуанышымызға берген «Харекет» қайырымдылық қорының екі бөлмелі пәтерін аса бір мұқтаж деп Әсияға бергіміз келді. Өзімізде бар кезде қиын адамдарды ұмытпағанымыз жөн. Қоғамдағы әрбір мұқтаж жанға жақсылық жасаудан жалықпасақ оның қайырымы болады», - дейді Нұрболат Елеусізов.

Айта кетерлігі, «Харекет» қайырымдылық қоры еліміз бойынша 165 баспана табыстаған. Бұл беріліп жатқан баспана Ақтөбе облысы бойынша он екінші үй.

Естеріңізге сала кетсек, бұған дейін Атырауда отау құрған жастар төрт күннен соң ажырасуға бел буғаны туралы жазған едік. Ерлі-зайыптылардың екі жаққа кетуіне қалыңдықтың анасы себеп болған.

Ең маңызды әрі қызықты жаңалықтарды біздің Telegram арнамыздан оқыңыздар!

Тағы да оқыңыздар
Жүктеу...
Mailfire view pixel