RU

"Боқтық сөздер қосып шығарады": Бесбаев танымал болуға құмар жас әншілерге ашулы

Рассказать в Telegram Рассказать Вконтакте

"МузАрт" тобының белді мүшесі әрі халыққа сыйлы әнші Мейрамбек Бесбаев бүгінде "хайп" үшін бәрін істеуге дайын жаңа буын әншілерін сынға алды. Эстрада королі танымал болу мақсатында шешініп, әндеріне боқтық сөздерді көп қосып жүрген жастарға көңілі толмайтынын жеткізді деп жазады KAZ.NUR.KZ "Ревю" бағдарламасына сілтеме жасап.

Фото: видеодан кадр. Коллаж: KAZ.NUR.KZ

Фото: видеодан кадр. Коллаж: KAZ.NUR.KZ

Мейрамбек Бесбаев әрдайым жастарға қолдау көрсетуге тырысқанымен, бүгінгі күннің жас әншілеріне өкпе-назы бар екенін жасырмады.

Ол атаққа апарар жол деп бірі шешініп жатса, енді бірі мән-мағынасыз әндер айтып жүргеніне қынжылады.

Кейбір бауырларым қазір боқтық сөздерді қосып шығаратынды естіп жатырмыз. Қай жаққа бара жатыр. Не деген сұмдық. Танымал болудың жөні сол екен деп, не болса соны қыстырмалап айтып жатыр. Өкінішті жағдай енді" , - деді Бесбаев.

Көпшілікті қоңыр даусымен сүйсіндіріп келе жатқан өнер иесі "хайп" жасамай-ақ халықтың махаббатына бөленіп, әйгілі әртіс атануға болатынын жеткізді.

Айта кетейік, бұған дейін Қазақстан орындаушылар одағының басқарма төрағасы болып сайланған Мейрамбек Бесбаев бұрынғы басшылықтың қоқан-лоқы көрсетіп жатқанын және оның артында Зағипа Балиева мен оның ұлы тұрғанын айтқан еді.

Әншінің бұл мәлімдемесіне мәжіліс депутаты жауап беріп үлгерді.

Ең маңызды әрі қызықты жаңалықтарды біздің Telegram арнамыздан оқыңыздар!

Тағы да оқыңыздар
Жүктеу...
"Боқтық сөздер қосып шығарады": Бесбаев танымал болуға құмар жас әншілерге ашулы
Mailfire view pixel