RU

Британия денсаулық сақтау министрінің орынбасарынан коронавирус анықталды

Рассказать в Telegram Рассказать Вконтакте

Ұлыбритания билігінде науқастардың қауіпсіздігі мен өзін-өзі өлтіру мен психикалық денсаулықтың алдын алу жөніндегі министр Надин Доррис COVID-2019 коронавирус инфекциясын жұқтырды деп хабарлайды KAZ.NUR.KZ The Guardian басылымына сілтеме жасап.

Британиялық министрден коронавирус анықталды

Фото: Jonathan Hordle/Rex/Shutterstock

Дорристің сөзінше, коронавирусқа жасалған сынақ оң нәтиже көрсеткеннен кейін ол , үйінде оқшауланған.

Өткен жексенбіде Доррис Ұлыбритания премьер-министрі Борис Джонсонмен бірге қабылдауда болған. Сондай-ақ, ол парламент пен минитрлікте жүздеген адаммен кездесіпті.

"Англияның қоғамдық денсаулық сақтау министрлігі байланыстарды жіті бақылауға кірісті. Мен және менің парламенттік кеңсем олардың кеңестеріне барынша құлақ асуда",- деп хабарлады министрдің орынбасары.

Ұлыбританияда коронавирусты жұқтырудың 300-ге жуық жағдайы тіркелді.

Еске сала кетейік, соңғы мәлімет бойынша, әлемде коронавирус жұқтырғандар саны 113 мыңнан асты.

Дүниежүзілік денсаулық сақтау ұйымы бір тәулікте қатерлі дертке 4 125 адам шалдығып, 203 адам қайтыс болғанын мәлімдеді.

Ведомствоның соңғы ақпаратына сәйкес, әлемде вирус жұқтырудың 113 702 жағдайы тіркеліп отыр. Оның ішінде 80 924-і Қытайда анықталған.

Ең маңызды әрі қызықты жаңалықтарды біздің Telegram арнамыздан оқыңыздар!

Тағы да оқыңыздар
Жүктеу...
Британия денсаулық сақтау министрінің орынбасарынан коронавирус анықталды
Mailfire view pixel