RU

Елімізде тағы 7 адамнан коронавирус анықталды

Telegram logo VKontakte logo

Елімізде COVID-19 инфекциясы тағы жеті адамнан анықталды. Олардың бесеуі Нұр-Сұлтан, екеуі Алматы қаласында тіркелген деп хабарлайды KAZ.NUR.KZ.

Фото: Pedro Vilela/Getty Images

Фото: Pedro Vilela/Getty Images: UGC

Қазақстанда коронавирус бойынша 26 наурыз сағат 08:25-тегі жағдай:

Нұр-Сұлтан қаласында – 46

Алматы қаласында – 34

Қарағанды қаласында – 2

Шымкент қаласында – 2

Алматы облысында – 1

Ақтөбе облысында – 1

Жамбыл облысында – 1

Солтүстік Қазақстан облысында – 1

Осылайша елімізде COVID-19 инфекциясы жұқтырғандар саны 88-ге жеткен.

Еске сала кетейік, COVID-19 инфекциясына байланысты Қазақстанда 16 наурызда бастап, 15 сәуірге дейін төтенше жағдай жарияланған.

Ал еліміздің екі ірі қаласы Алматы мен Нұр-Сұлтанда вирустың таралуына жол бермес үшін 19 наурыздан бастап карантин режимі енгізілген.

Айта кетейік, төтенше жағдай кезінде заңды талаптарды орындамаған азаматтар жауапкершілікке тартылады.

Мәселен санитариялық-эпидемиологиялық қадағалау органдарының нұсқамаларын орындамағаны (ӘҚБтК-нің 462-бабының 3-бөлігі – 500 АЕК-ке дейін айыппұл) және санитариялық ережелер мен гигиеналық нормаларды бұзғаны үшін (ӘҚБтК-тің 425-бабы – 5 млн теңгеге дейін айыппұл) әкімшілік жауаптылық белгіленген.

Ең маңызды әрі қызықты жаңалықтарды біздің Telegram арнамыздан оқыңыздар!

Қазақстандағы соңғы жаңалықтар мен фото, видео және өзге де эксклюзивтер жайлы алғашқылардың бірі болып біліңіз!

comments icon Пікірлер
Развернуть
Елімізде тағы 7 адамнан коронавирус анықталды