Выйти
RU

Гүлшара Әбдіқалықова Қызылорда облысының әкімі болды

Рассказать в Telegram Рассказать Вконтакте

Мемлекет басшысы Гүлшара Әбдіқалықованы Қызылорда облысының әкімі қызметіне тағайындады деп хабарлайды KAZ.NUR.KZ.

Гүлшара Әбдіқалықова. Фото: abai.kz

Гүлшара Әбдіқалықова. Фото: abai.kz

Бүгін президент Қасым-Жомарт Тоқаев сәйкес жарлыққа қол қойды.

"Гүлшара Наушақызы Әбдіқалықова Қызылорда облысының әкімі болып тағайындалсын", – делінген құжатта.

Бұған дейін Қызылорда облысының әкімі болған Қуанышбек Ысқақов мемлекет басшысының жарлығымен қызметінен босатылды.

Гүлшара Әбдіқалықова 1965 жылы Сыр өңірінде туған.

Әр жылдары президент кеңесшісі, еңбек және халықты әлеуметтік қорғау министрі, премьер-министрдің орынбасары болып қызмет атқарған.

2014 жылы Қазақстанның мемлекеттік хатшысы лауазымына тағайындалды. Былтырғы тамыз айында мәжіліс депутаты атанды.

Айта кетейік, 27 наурызда әлеуметтік желілер мен мессенджерлер арқылы бұған дейін Қызылорда облысының әкімі болған Қуанышбек Ысқақовтың ұсталғаны туралы ақпарат тараған болатын.

Алайда, бұл мәлімет ресми түрде расталып не жоққа шығарылған жоқ.

Саясаткер Ербол Еділов өзінің Telegram арнасында кейбір дереккөздердің дергіне сүйене отырып, жемқорлықпен күресушілер әкімді ғана емес, оның орынбасарын, сондай-ақ өңір басшысына туыс болып келетін екі кәсіпкерді де ұстағанын жазды.

Ең маңызды әрі қызықты жаңалықтарды біздің Telegram арнамыздан оқыңыздар!

Қазақстандағы соңғы жаңалықтар мен фото, видео және өзге де эксклюзивтер жайлы алғашқылардың бірі болып біліңіз!

Тағы да оқыңыздар
Жүктеу...
Гүлшара Әбдіқалықова Қызылорда облысының әкімі болды