Выйти
RU

Мәскеуде коронавирус жұқтырған науқастардың көбі жастар болып шықты

Рассказать в Telegram Рассказать Вконтакте

Ресей астанасы Мәскеуде коронавирус инфекциясын жұқтырған жаңа науқастардың 50 пайыздан астамы – 45 жастан кіші азаматтар. Бұл туралы Мәскеудегі коронавирус жағдайын бақылау мен мониторингтеу бойынша шұғыл штаб мәлім етті деп хабарлайды KAZ.NUR.KZ РИА Новостиге сілтеме жасап.

Көрнекі фото: NUR.KZ / Петр Карандашов

Көрнекі фото: NUR.KZ / Петр Карандашов

Шұғыл штабтың мәліметінше, Ресей астанасында коронавирус инфекциясын жұқтырудың 697 жаңа оқиғасы тіркелген. Жалпы, қазіргі уақытта Мәскеу бойынша науқстар саны 5181 адамға жетіп отыр.

"Жаңа науқастардың 47,5 пайызы – 18-ден 45 жасқа дейінгі, 34 пайызы – 46-дан 65 жасқа дейінгі және 14,5 пайызы 65 жастан жоғары азаматтар, олардың 5 пайыздан астамы – жастары 80-нен асқан қарттар. Сондай-ақ науқастардың 4 пайызы – балалар", – делінген хабарламада.

Сондай-ақ барлық науқастардың және олармен байланыста болған тұлғалардың медициналық бақылауға алынғаны мәлім болды.

Айта кетейік, соңғы деректерге сәйкес, Қазақстан бойынша коронавирус инфекциясына шалдыққандардың саны 685 адамға жетті.

Атап айтқанда, осы уақытта Нұр-Сұлтанда – 222, Алматыда – 119, Қарағанды облысында – 55, Ақмола облысында – 42, Атырау облысы – 32, Жамбыл облысында - 45, Шымкентте – 20, Шығыс Қазақстан облысында – 6, Алматы облысында – 10, Ақтөбе облысында – 11, Солтүстік Қазақстан облысында – 25, Павлодар облысында – 1, Маңғыстау облысында – 5, Қызылорда облысында – 54, Батыс Қазақстан облысында – 2, Түркістан облысында – 33 және Қостанай облысында – 3 науқас тіркелді.

Ең маңызды әрі қызықты жаңалықтарды біздің Telegram арнамыздан оқыңыздар!

Қазақстандағы соңғы жаңалықтар мен фото, видео және өзге де эксклюзивтер жайлы алғашқылардың бірі болып біліңіз!

Тағы да оқыңыздар
Жүктеу...
Мәскеуде коронавирус жұқтырған науқастардың көбі жастар болып шықты