Выйти
RU

Қазақстанда саяси партияларды тіркеу тәртібі жеңілдейді

Рассказать в Telegram Рассказать Вконтакте

Парламент мәжілісінің депутаттары саяси партияны тіркеу үшін оның мүшелерінің санын 40 мыңнан 20 мыңға дейін азайтуды көздейтін заң жобасын бірауыздан мақұлдады деп хабарлайды KAZ.NUR.KZ Sputnik Қазақстанға сілтеме жасап.

Фото: khabar.kz

Фото: khabar.kz

"Заң жобасында саяси партияларды тіркеу үшін оған мүше адамдар санын 40 мыңнан 20 мыңға дейін азайту ұсынылады. Бұл ұсыныс саяси партияларды құру тәртібін жеңілдетеді, сондай-ақ мемлекеттік шешімдерді әзірлеу және қабылдау процестеріне оң әсерін тигізеді", – деп атап өтті әділет министрі Марат Бекетаев.

Бұған қоса, партиялық сайлау тізімдерінде әйелдер мен жастар үшін кемінде 30 процент квота енгізу көзделген.

"Жалпы, осы заңнамалық бастамалар әйелдер мен жастарды қоғамның саяси өміріне белсене қатысуға, сондай-ақ көппартиялық жүйені одан әрі қалыптастыруға оң ықпал етеді", – деді ведомство басшысы.

Сонымен қатар, партияларға әйелдер мен жастар арасында квотаны бөлуге қатысты қатаң шектеу қойылмайды. Партиялар тізімді өз қалауымен қалыптастыруға және мандаттарды бөлуге құқылы.

Еске сала кетейік, бұған дейін парламент төменгі палатасының депутаттары елдегі митингілерді өткізу тәртібін реттейтін заң жобасын мақұлдаған еді.

Ең маңызды әрі қызықты жаңалықтарды біздің Telegram арнамыздан оқыңыздар!

Қазақстандағы соңғы жаңалықтар мен фото, видео және өзге де эксклюзивтер жайлы алғашқылардың бірі болып біліңіз!

Тағы да оқыңыздар
Жүктеу...
Қазақстанда саяси партияларды тіркеу тәртібі жеңілдейді