Выйти
RU

"Мемлекетке қарсы шыққан адам оңбайды": Үкілі бала Ерболсын індет туралы ойын айтты

Рассказать в Telegram Рассказать Вконтакте

Емшілігімен танымал болған "үкілі бала" Ерболсын Серікбаев қазір Ақтөбе қаласында тұрып жатыр. Медицина мамандығына түсіп, қабілетін шыңдап жүрген ол әлемді алаңдатқан індетке қатысты ойын білдірді деп хабарлайды өңірдегі KAZ.NUR.KZ тілшісі.

"Мемлекетке қарсы шыққан адам оңбайды": Үкілі бала Ерболсын індет туралы ойын айтты

Ерболсын Серікбаев. Фото: instagram, коллаж: NUR.KZ

Әлеуметтік желіге үндеу салған емші инфекцияға сенуге, сабырлықпен үйде отыруға шақырады.

"Менен "Коронавирус туралы ойың қандай?" деп сұрайтындар көп. Шынымды айтсам, бұл туралы мүлде айтқым келмеген. Бірақ жан-жағымнан жеп болды. Группаларда "емшілер, бақсылар қайда кетті, осылар коронавирус туралы неге айтпайды" деп жазып жатыр.

Мемлекетке қарсы шыққан адам ешқашан да оңбайды. Бір білетінім сол.

Әлемдік саясат қазір осы ауру арқылы өз ойларын алға жүргізіп жатыр. Оны барлықтарыңыз білесіздер. Бірақ коронавирус ауруы бар. Оны да білесіздер. Коронавирус ауруымен ауыратын адамдар да бар. Оны да білесіздер.

Бірақ осы ауруды пайдаланып, өздерінің жұмыстарын үлгеріп істеп жатқан адамдар да бар. Сондықтан, ешқандай да уайымдамаңыздар.

1960 жылы бұл аурудың атауы шықты. 2003 жылы ауыратын адамдар саны байқалды. Тек биыл шыққан ауру емес.

Тағы да оқыңыздар

Қорқыт ата туралы не білеміз?

Жай ғана тұмаудан жылына 4 миллионнан астам адам көз жұмады. Сондықтан бұл қатты қорқынышты зат емес. Тұмауға ұқсас өкпе бітеліп, адам тұншығады", - дейді ол.

Сонымен қатар емші Қазақстанда карантин уақытының қашан бітетінін болжады. Ерболсын Серікбаев елді Ораза айында Алладан амандық сұрауға шақырған.

"Қазақстанда карантин мамыр айының ортасы мен аяғында бітуі мүмкін. Коронавирустан елімізде қорқыныш күтіп тұрған ешнәрсе жоқ. Барлықтарыңызды сабырға шақырамын, барлығы жақсы болады.
Үкіметтің айтқанына көніп, үйден шықпай, адам көп жиналатын жерге бармай, үйде сабырмен күтейік.
Осы ораза айында бәрі жақсы болсын деп Алладан сұрайық. Әрине бәрі де жақсы болады. Тек сабырлық пен күш керек"- дейді емші.

Ең маңызды әрі қызықты жаңалықтарды біздің Telegram арнамыздан оқыңыздар!

Қазақстандағы соңғы жаңалықтар мен фото, видео және өзге де эксклюзивтер жайлы алғашқылардың бірі болып біліңіз!

Тағы да оқыңыздар
Жүктеу...
"Мемлекетке қарсы шыққан адам оңбайды": Үкілі бала Ерболсын індет туралы ойын айтты