Алматыда жер асты өткелінде бойжеткенді зорлаған күдікті қолға түсті (видео)

Алматыда бойжеткенді жер асты өткелінде зорлаған қылмыскер бір ай өткеннен кейін қолға түсті деп хабарлайды KAZ.NUR.KZ порталы Polisia.kz сайтына сілтеме жасап.

Әуезов аудандық полиция басқармасының басшысы Әлішер Тұрсынбетовтың мәліметінше, қалалық полиция департаментінің мәліметінше, Райымбек даңғылы мен Яссауи көшесіне жақын маңдағы жер асты өткелінде түнде ер адам бойжеткеннен телефон сұраған.

"Күдікті қызды жерасты өткелінде байқап, оны талдырып құлатып, оны адам аз жүретін жерге сүйреп апарып, зорлаған. Осы қылмысты ашу үшін арнайы тергеу-жедел тобы құрылды. Жәбірленушінің айтуы бойынша шамамен суреттің эскизі жасалған.

Қараңғыда бет-әлпетін байқап, оның мінез-құлық ерекшеліктерін есте сақтау мүмкін емес екені түсінікті. Бірақ қыз тергеуге осы қылмыстың ашылуында рөл атқаратын маңызды ақпаратты ұсынды. Жақында күдікті ұсталды", - деді ол.

39 жастағы қылмыскер Алматыда тұрақты жұмысы және тұрғылықты жері жоқ, кездейсоқ пайда табумен күн көріп келген адам екендігі белгілі болды.

Күдікті өз кінәсін толық мойындап, сол кезде мас болғанын айтты.

Қазіргі уақытта ол қамауға алынып, қылмыстық кодекстің 120 бабы бойынша қылмыстық іс қозғалды.

Еске сала кетсек, бұған дейін Ақтөбеде 9 жасар мектеп оқушысын зорлау ісі бойынша сот үкімі шыққан болатын. Мәлім болғандай, бейтаныс адам кішкентай қызды алдап, пәтеріне кіріп, зорлап кеткен.

Аталған ауыр қылмысты жасағаны үшін 21 жастағы ақтөбелік 23 жылға бас бостандығынан айыру жазасына кесілді. Сонымен қатар, ол келтірілген моральдық зиянның өтемі ретінде жәбірленушіге 5 миллион теңге төлеуге міндеттелді.

Ең маңызды әрі қызықты жаңалықтарды біздің Instagram парақшамыздан оқыңыздар>>