Выйти
RU

Ресейде суға батқан қызды құтқарамын деп төрт адам көз жұмды

Рассказать в Telegram Рассказать Вконтакте

Забайкальедегі Онон өзенінде 15 жастағы жасөспірім қызды құтқарамын деп төрт адам қайтыс болды деп хабарлайды KAZ.NUR.KZ порталы РИА Новостиге сілтеме жасап.

Көрнекі фото: pixabay.com

Көрнекі фото: pixabay.com

Аймақтың тергеу басқармасының мәліметінше, қайғылы оқиға дүйсенбі кеше кешкісін Онон ауданында орын алған.

Анықталғандай Онон өзінің бойында туыстар демалған. Олардың арасында қыз да болған.

"Шомылу кезінде 15 жастағы қыз судың иіріміне тап болып, бата бастаған. Үлкендер оны құтқару үшін өзенге секірген. Оларға жақын маңда балық аулап жүрген тағы үш балықшы қосылған. Нәтижесінде қызды құтқару мүмкін болды. Алайда төрт ересек, соның ішінде 45 жастағы әйел мен 41, 58 және 64 жастағы үш ер адам батып кеткен", - деді ведомстводан.

Қазіргі таңда аталмыш факті бойынша тергеуге дейінгі тексеріс жүріп жатыр. Тергеушілер мен полицейлер оқиға орнын қарап шығып, куәгерлерден жауап алған. Табылған заттар сараптамаға жіберілген. Үш ер адам мен әйелдің денесі іздестірілуде.

Еске сала кетейік, бұған дейін Шығыс Қазақстан облысының Ұлан ауданында 8 жасар қыздың суға кеткені хабарланған.

Сондай-ақ, Түркістан облысында бір тәулікте екі бірдей бозбала суға кетіп, көз жұмғанын жазған едік. Қайғылы жайттардың бірі Ұзынбұлақ, екіншісі Құлан су қоймасында болған.

Қазақстандағы соңғы жаңалықтар мен фото, видео және өзге де эксклюзивтер жайлы алғашқылардың бірі болып біліңіз!

Тағы да оқыңыздар
Жүктеу...
Ресейде суға батқан қызды құтқарамын деп төрт адам көз жұмды