Выйти
RU

Екі мыңға жуық өзбек пен тәжік мигранты шекарадан Өзбекстанға өте алмай тұр

Рассказать в Telegram Рассказать Вконтакте

Түркістан облысы Сарыағаш ауданында екі мыңға жуық өзбек пен тәжік мигранттары карантинге байланысты жабылған шекарадан өте алмай тұр деп хабарлайды KAZ.NUR.KZ Азаттық радиосына сілтеме жасап.

Фото: Азаттық

Фото: Азаттық: Depositphotos

Азаттық мәліметінше, мигранттардың кейбірі бір аптадан бері Өзбекстан билігінің шекарадан өткізуге рұқсат беруін күтіп осы автостанциядан кете алмай отырғанын айтады.

"Күндіз аптап ыстық, түнде салқын. Қара жерге қағаз төсеп жатамыз, кісі көп, орын жетпейді, тамақ алуға ақшамыз жоқ", - дейді олар.

Айта кету керек, мигранттардың көбі – ер азаматтар, арасында жас та, кәрі де бар. Олар Қазақстанда жалданып әртүрлі жұмыс істегенін, карантинге байланысты жұмыс тоқтаған соң еліне қайтып бара жатқанын алға тартты.

Тағы да оқыңыздар

"Екі сағат далада жатты": Зейнеттегі полковник екпе салдырған соң көз жұмды

Азаттықтың жазуынша, коронавирус індетіне байланысты карантин жарияланған автобекет аумағында санитарлық талаптар сақталмаған, тіпті, ине шаншыр орын жоқ.

Кейбіреулер жерде құр қарбыз бен нан жеп отыр. Азаттық тілшісінің мәліметінше, адамдардың арасында есінен танып қалғандар да болған.

Сонымен қатар басылымның жазуынша, қазақстандық оннан астам полиция қызметкері автобекет аумағындағы тәртіпті сырттай бақылап тұр.

Бекеттің бір шетінде төрт үлкен шатыр тігілген, оларда Тәжікстан азаматтары орналасыпты.

Бұл жайтқа қатысты пікір білдірген Өзбекстанның Қазақстандағы елшілігінің қызметкері Бахтиор Камалов өзбек азаматтарының шекарада бөгелуін ол жаққа Қазақстаннан "осыған дейін өткен адамдардың карантин аймағынан әлі толық шығып үлгере алмай жатқанымен" түсіндірген.

Камалов қазір "Жібек жолы" бекетінде 1500-ге жуық өзбек азаматы күтіп отырғанын, Өзбекстан оларды "күн соңына дейін өткізіп алатынын" жеткізген.

Тағы да оқыңыздар

"Той жасайды": Тоғжанов елде вирустың кең таралуына не себеп болғанын айтты

Ал сол маңда жүрген Тәжікстанның Қазақстандағы елшілігінің өкілі Азаттық тілшісіне комментарий беруден бас тартқан.

Естеріңізге сала кетейік, бұған дейін Түркістан облысындағы шекарада тәжіктердің өз еліне қайта алмай әлек болғаны туралы жазған едік.

Қазақстандағы соңғы жаңалықтар мен фото, видео және өзге де эксклюзивтер жайлы алғашқылардың бірі болып біліңіз!

Тағы да оқыңыздар
Жүктеу...
Екі мыңға жуық өзбек пен тәжік мигранты шекарадан Өзбекстанға өте алмай тұр