Выйти
RU

Алматы мен Шымкентте карантин кезінде жұмыс істеген сауна әшкере болды

Рассказать в Telegram Рассказать Вконтакте

Алматы қаласының Наурызбай ауданында карантин кезінде үлкен сауна жұмыс істегені анықталды деп хабарлайды KAZ.NUR.KZ Polisia.kz-ке сілтеме жасап.

Көрнекі фото: NUR.KZ

Көрнекі фото: NUR.KZ: Depositphotos

Монша кешені мақсатты рейдтер барысында әшкере болған.

Наурызбай аудандық полиция басқармасының бастығы Дидар Ахановтың айтуынша, монша түнгі уақытта да жұмыс істеген. Клиенттерді тұрақты түрде қабылдап отырған.

Сонымен қатар, кешен жұмысшыларының ешқайсысы келушілерден санитарлық нормаларды сақтауды талап етпеген.

"Бұл түсінікті, себебі мекеме қызметкерлерінің өздері жеке қорғаныс құралдарынсыз және санитарлық тазартқыш құралдарын қолданбаған. Бұл біздің қоғамда кеңінен таралған қылмыстық немқұрайлылық. Әлем пандемиямен күресіп жатқандықтан, әр адам ауруды жою үшін бар күшін салуы керек, керісінше емес. Осы саунадан шыққан жеті адамға қатысты ҚР ӘҚбК-нің 425-бабында көзделген құқық бұзушылық негізінде әкімшілік материалдар жиналды. Олардың әрқайсысына 30 мың АЕК айыппұл салынды, бұл 83 мың теңгеден асады", – дейді Дидар Аханов.

Тағы да оқыңыздар

Елімізде рестораторлар мен кафе иелері қарыздарын өтеу үшін пәтерлерін сатуда

Сонымен қатар Шымкентте полиция қызметкердері мен мобильді топ өкілдері 29 шілде күні Абай ауданы аумағында жүргізген рейдтік іс-шара барысында карантин талаптарын елемеген нысандарды анықтаған.

Атап айтсақ, Шымкент қаласы 1 Мамыр көшесі бойында орналасқан "Опушка" саунасы кешкі уақытта карантин режимін бұзып, жұмыс істеп жатқаны белгілі болған.

Ол жерде санитарлық талаптар өрескел бұзылғаны да байқалған.

Сауна әкімшісінен түсініктеме алынып, аталған жайтқа байланысты Абай ауданының Тауарлар мен көрсетілетін қызметтер сапасының қауіпсіздігін бақылау басқармасына іс-құжаттар жолданған.

Айта кетейік, Шымкентте карантинге қарамай жұмыс істеген сауна бұған дейін анықталған еді.

Қазақстандағы соңғы жаңалықтар мен фото, видео және өзге де эксклюзивтер жайлы алғашқылардың бірі болып біліңіз!

Тағы да оқыңыздар
Жүктеу...
Алматы мен Шымкентте карантин кезінде жұмыс істеген сауна әшкере болды