RU

"Соңғы аманаты": Ләйлә Сұлтанқызының қайтыс болған ағасының қызы өмірге келді

Telegram logo VKontakte logo

Отандық танымал тележүргізуші Ләйлә Сұлтанқызының бақилық болған ағасының қызы дүниеге келді. Кішкентай бүлдіршін әкесінің қазасынан кейін бір аптадан соң өмір есігін ашқан. Бұл қуанышты хабарды ақпарат өкілінің өзі жеткізген. Оның айтуынша, ағасы бір нәрсені сезгендей болашақ перзентіне ат қойып кеткен деп жазады KAZ.NUR.KZ.

Ләйлә Сұлтанқызы

Ләйлә Сұлтанқызы: Фото: Instagram/sultankyzy

Ләйлә Сұлтанқызы бұл хабарды өзінің Instagram парақшасында хабарлады. Тележүргізушінің айтуынша, ағасы науқастанып қалған соң, аяғы ауыр келіншегіне қызының атын аманат етіп кеткен. Әкесі перзентіне Мәриям деген есімді таңдағаны белгілі болды.

"Ағамның соңғы аманаты. Ағам ауырып жүргенде жеңгемнің алтыншы сәбиіне аяғы ауыр еді. Қаралы хабар келіп, тура бір апта өткен соң қызды болды. Өзі кетіп, көзі келді деген осы екен. Тек қызы әкесімен, әкесі қызымен танысып та үлгермеді, әттең. Есімін Мәриям деп қойды. Ағам бәрін сезгендей жеңгеме есімін аманат етіп кетіпті.

Дишинкам да жаңа туған немересін көрген сайын қайта-қайта батасын береді. Иса Пайғамбардың анасының есімі Мәриям болған екен. Сен біздің әулетке бұлтты күні. Күн болып келдің. Ғұмырлы бол, балапан" , - деп жазды Ләйлә Сұлтанқызы.

Катер Орал1

Тағы да оқыңыздар

Оралда катер басын шауып кеткен әйелдің туыстары депутаттың ұлын кешірді

Айта кетейік, Ләйлә Сұлтанқызының туған ағасы дүниеден өткенін хабарлаған болатынбыз. 44 жастағы ер адам инсульт алып, оншақты күндей жансақтау бөлімінде жатқан.

Қазақстандағы соңғы жаңалықтар мен фото, видео және өзге де эксклюзивтер жайлы алғашқылардың бірі болып біліңіз!

comments icon Пікірлер
Развернуть
"Соңғы аманаты": Ләйлә Сұлтанқызының қайтыс болған ағасының қызы өмірге келді