Ахмет Байтұрсыновты "билетіп" қойған тиктокерлер жұрттың ашуына тиді (видео)
Опубликовано:
Әлеуметтік желі қолданушылары соңғы кезде танымал болып жүрген тикток қосымшасында еліміздің біртуар азаматтары Ахмет Байтұрсынов пен Әлихан Бөкейхановты "билетіп" қойған тиктокерлерге ашуланды деп хабарлайды KAZ.NUR.KZ порталы.
Видеоны Instagram желісінде qazaqpyz_goi парақшасы бөлісіп, тиктокерлердің әрекетін сынға алған.
"Тренд деген, әрине жақсы ғой... Бірақ қасиетті, тиісуге болмайтын дүниелер болу керек емес пе? Абай Құнанбаев, Ахмет Байтұрсынов, Әлихан Бөкейханов сынды азаматтар - қазақ халқының ұлы тұлғалары", - деп жазған видеомен бөліскендер.
Бұл видеоны көрген желі қолданушыларының дені видео авторына ашуға толы пікір қалдырған.
"Ұлы тұлғаларымызды мазақ қылып болды", "Марқұм кісілердің жандарына тыныштық берші. Айналайын, тиктокер бала", "Қайда осыларды қадағалап отыратын арнайы құзырлы қызметтер? Жазасын заңға сай берсін", "Қайран ата-бабам-ай", "Мыналары не сұмдық, тіпті өлген адаммен ойнап", " Ұят жоқ, оңбағандар, тәрбиесіздер" - деп ренішін білдірді бұл жайтқа қатысты көпшілік.
Желі қолданушылары тиктокерлерге аруақты сыйлау керектігін ескертіп, мұндай әрекетке баруларын доғаруды талап етуде.
Жұрттың ызасын келтірген видео өзге желі парақшаларына да тарап кеткен.
Еске салсақ бұған дейін қазақтың Құрманғазысы мен орыстың Пушкинін сүйістірген гей-жарнама дүйім жұрттың жағасын ұстатқан еді. Қоғамдық резонанс тудырған бұл жайттан кейін Алматыдағы клуб шулы суретті жасаған компанияны сотқа беретінін мәлімдеген болатын.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/society/1872613-ahmet-bajtrsynovty-biletip-kojgan-tiktokerler-zrtty-asuyna-tidi-video/