7 сәуір күні Қарағанды облысы Қарабас ауылында полигондағы оқу-жаттығу жиыны кезінде әскери граната жарылды. Салдарынан екі әскери адам жарақат алды деп хабарлайды NUR.KZ порталы.
Бұл туралы ІІД аймақтық әскери-тергеу басқармасының қарағандылық бөлімінен мәлімдеді.
«Қаза тапқандар жоқ. «РГД 5» гранатасының неге жарылып кеткенін тергеу барысында анықтаудамыз. Біздің қызметкерлер оқиға орнына жөнелтілді», - деді аймақтық әскери-тергеу басқармасының өкілі.
№ 6505 әскери бөлімі штабының басшысы, полковник Қайрат Үмбетов және жедел қызмет сарбазы Абзал Сұлтанкұлов Абай аудандық емханасына жарақаттармен жеткізілді. Оқу-жаттығу жиыны уақытша тоқтатылған.
Мақаланың түпнұсқасы: https://kaz.nur.kz/accidents/1094673-qaraghandy-oblysynda-eki-askeri-adam-o/
