Ақтөбе облысында ер адам жыныс мүшесін ұстаған танысын өлтіріп тастады

Ақтөбе облысының Мұғалжар ауданында ер адамды аяусыз соққыға жығып өлтірген 31 жастағы сотталушыға қатысты қылмыстық іс қаралды. Сотталушы өзінің жыныс мүшесін ұстаған танысының үйіне қонуға барған. Өзінің әуретті жеріне жабысқан танысын ер адам өлтіріп тынды деп хабарлайды kerek.info сайтына сілтеме жасаған NUR.KZ.

Қайғылы оқиға биыл наурыз айында Ембі қаласында болған. Сол күні марқұм Петропавл қаласына жұмысқа ауысқанын атап өтпек болады. Сөйтіп, бірнеше адаммен бірге халыққа қызмет көрсету орталығының ғимаратында ішімдік ішеді. Кейін көңілді отырыс олардың бірінің үйінде жалғасады.

Ішімдікке сылқия тойған олар сотталушының үйіне қона кетуге келіседі. Сот материалдарына қарағанда, түн ортасында Арнұр Қ. ( аты-жөні өзгертілді-ред) өзінің жыныстық мүшесін ұстаған марқұмның әрекетінен оянып кеткен. Ол бұған ашуланып, араларында жанжал туындайды. Ақыры сотталушы оны аяусыз соққыға жығып, өлтіріп тастайды. Сот отырысында ер адам өз қылмысын толықтай мойындады.

Айтуынша, ол болған оқиға туралы полицейлерге өзі хабар берген. Ол сотта марқұмға ауыр дене жарақатын әдейі келтірмегенін, мүгедек анасы барын айтып ақталды. Бірақ сот оны кінәлі деп тауып, жаза кесті. Сот оны 8 жыл 6 ай мерзімге бас бостандығынан айыру туралы үкім шығарған.

Ер адам жазасын орташа қауіпсіз түзету мекемесінде өтейді. Бұған қоса ол марқұмның ағасына 2 млн теңге моральдық залал төлеуі тиіс.

Мәтіннен қате тапсаңыз, бізге жазыңыз