Медеуде туған күн тойламақ болған балалар көлігі жолда аударылып қалды (фото)

Алматыда ішінде жеті бүлдіршін отырған Mitsubishi Delica көлігі Mercedes автокөлігімен соқтығысып, аударылып қалды. Оқиға салдарынан үш балақай ауруханаға түсті деп хабарлайды Zakon.kz сайтына сілтеме жасаған NUR.KZ.

Жол-көлік оқиғасы ҮАК бойында Жансүгіров көшесімен қиылысқан тұста орын алған. Батыс бағытта кетіп бара жатқан минивэн бұрылғысы келіп, "бұрылыс көрсеткішін" жаққан.

Алайда оның артқы жағынан Mercedes келіп соғыпты. Нәтижесінде Delica бір шетке қарай аударылып қалған.

Жапон көлігінің ішінде жолаушылардың бірінің туған күнін тойлау үшін Медеуге кетіп бара жатқан балалар болыпты.

Полиция қызметкерлері дереу оқиға орнына жеткен. Боран 30 экипажы тез арада балаларды көліктен шығарып алыпты.

Оларды дәрігерлер қарап, үш баланы ауруханаға жіберген.

Mercedes жүргізушісінің айтуынша, минивэн жүргізушісі бұрылыс көрсеткшін жақпай, бірден тоқтай бастаған.