Top.Mail.Ru

Сайт нұсқасы

ru kz

Зектілері

Шымкентте сәбиге қайнаған сумен клизма жасаған мейірбике жаға ұстатты

Опубликовано:

Шымкентте жұқпалы аурулар ауруханасында жасалған клизмадан кейін 10 айлық сәби жансақтау бөліміне түсті. Баланың ата-анасының сөзінше, мейірбике процедураны ыстық сумен жасаған деп жазады vera.kz сайтына сілтеме жасаған KAZ.NUR.KZ.

Шымкентте бір жасар балаға қайнаған сумен клизма жасаған мейірбике жаңа ұстатты
Көрнекі сурет: chips-journal.ru: Twitter

Басылымның мәліметінше, сәби мен анасы 26 наурыз күні ауруханаға түскен. Баланың іші ауырған. Ұл баланың жағдайы едәуір жақсарып қалған. Бірақ 29 наурыз күні оған клизма жасалып, содан кейін ол жансақтау бөліміне түскен.

Баланың әкесі жағдайдың мән-жайын түсіндіріп өтті.

"Клизма жасай бастағанда анасы не үшін ыстық су, қайнаған су пайдаланып жатқандарын сұраған. Оны баланың жанына жібермей, клизма жасаған. Өздері білетіндерін айтқан. Клизманы жасаған бас мейірбике. Бала жылап, ішінен қан аға бастаған", - деді баланың әкесі.

Оның сөзінше, баласы жансақтау бөлімінде жатыр. Қазір оған ауруды басатын дәрілер салынуыда. Дәретке барған сайын қатты жылайды екен.

Ер адам бүлдіршінді күйік бөлімінің дәрігері және проктолог тексергенін жеткізді.

Балақайдың ата-анасы құқық қорғау органдарына арыз жазған.

Ұл баланың әкесі бұл жағдай болашақта бала денсаулығына кері әсерін тигізе ме деп уайымдап отыр.

Жағдайға қатысты жұқпалы аурулар ауруханасының бас дәрігері Амангелді Нұрлыбаев пікір білдірді. Бұл жағдайды қазір арнайы комисссия тексеріп жатқанын жеткізді.

Оқиғаға қатысы болуы мүмкін екі мейірбике уақытша жұмыстан шеттетілді.

"Баланың жағдайы қанағаттанарлық, қанағаттанарлыққа жақын... Анасымен сөйлестім, ол наразылы жоқ екенін жеткізді", деп мәлімдеді Нұрлыбаев.

Порталдың мәліметінше, бұл отбасының үшінші баласы. Бір жыл бұрын ата-анасы тағы бір балаларынан айырылған. Ол серуенге шығып, суға кетіп қалған.

Мақаланың түпнұсқасы: https://kaz.nur.kz/accidents/1786462-symkentte-sbige-kajnagan-sumen-klizma-zasagan-mejirbike-zaga-statty/

pixel