Жарықсыз ақырзаман болды: Нұр-Сұлтан халқы тоңып, сусыз, тамақсыз қалды

Елорда тұрғындары электр қуатынсыз өткізген бір күндері қалай болғанын желіде бөлісіп жатыр. Сол жағалаудың бірнеше бөлігінде Байтеректен бастап Әбу-Даби Плазаға дейін, Ақордадан бастап Москва бизнес орталығына дейін жарық жоқ деп хабарлайды KAZ.NUR.KZ.

Жаңадан салынған ғимараттардың тұрғындары өркениеттің қайнар көзі электр қуатымен байланысты дейді. Электрлі плиталар мен электрсорғысы істен шыққандықтан бір күн өмір сүрудің өзі ауыр болған.

"Біз Эмиратқа айналдық - электр қуатынсыз бізде өркениет бітеді - не шай қайната алмайсың, не тамақ жылыта алмайсың, не сабақ орындай алмайсың. Станционарлы телефондар жұмыс істемейді, тоңзытқыш еріп кетті.

Бұл не қылған апат? Бір-бірінің үстіне тірелген тіреуіштер, коммуникация көтермейді, біресе жарық жоқ, біресе су жоқ", - деді "Астана – хочу похвалить/пожаловать" тобына шағымданған астаналық.

"Қазір бәрі электр қуатына байланысты - бізде мұндай жағдай жиі болады. Жаңа тұрғын-үй кешені - соңғы 14-қабатта тұрамыз. Егер электр қуатынан ажыратылса, бәрі құрыды!

Электрлі плита, жылыту, ыстық су, телеарна (интернет өз алдына) - өркениеттен тек салқын су ғана қалады. Ойлап көріңіздерші, тағы 14-қабатқа дейін жаяу көтерілу керек", - деді пікір қалдырған астаналықтар.

Елорданың басқа тұрғыны электр қуатын өшірген сәтте лифтіде қамалып қала жаздапты.

"102 нөміріне жылдам хабарластық - олар патрульдік көлікті жіберді, полиция қызметкерлері лифтіні ашып, бізді босатып алды! Лифтіде 45 минут қамауда отырдық!

Егер полиция қызметкерлері болмағанда, лифтіде ұйықтауға тура келер еді! Ең қорқыныштысы - 15 минуттан кейін үйдегі жарықты өшіріп тастады! Су, жылу жоқ! Жарық болмаса жаңа үйлерде ақырзаман орнайды!", - деді Наиля Тілеубекова.

Еске сала кетсек, бұған дейін елордада кабельдердің бірінен өрт шығып, бірнеше тұрғын-үйлердің жарықсыз қалғаны хабарланды.

Сондай-ақ, мемлекет басшысы Қасым-Жомарт Тоқаев елорданың басым бөлігінде жарықтың сөніп қалуына әкеп соқтырған апатты жағдайға байланысты үкіметке арнайы комиссия құруды тапсырды.