Алматыда мас адам өзге біреудің көлігін ұрлап, өртеп жіберді

Опубликовано:

Кісен
Көрнекі фото: pixabay.com

Алматыда мас адам өзге біреудің көлігін ұрлап, өртеп жіберді деп хабарлайды KAZ.NUR.KZ polisia.kz сайтына сілтеме жасап.

Қылмыс Алматының Түрксіб ауданында болған. Жергілікті тұрғын автокөлігін дүкенге тастап кеткен, кілттер тұтанғышта болған.

"Мұны ішімдікке мас күйінде “ВАЗ” автокөлігін ұрлап кеткен 1994 жылы туған К. мырза қолданған. Бірнеше сағаттан кейін сол алаңда көліктің жанып кеткені анықталды. Біз өртемес бұрын көлікті бөлшектегенін анықтадық. Қаскөй қозғалтқышты, аккумуляторды және кез-келген құнды қосалқы бөлшектерді иемденді.

Күдікті бірден анықталды. Ұсталды. Ол қазір қамауда. Қаскөйдің іс-әрекеті ҚР ҚК-нің 188-бабы бойынша қарастырылады", – деді Түрксіб аудандық ПБ жанындағы полиция бөлімінің бастығы Ерлан Аянбаев.

Көліктен алынған қосалқы бөлшектер қазірдің өзінде шын иесіне қайтарылды, ол өз мүлкіне зиян келгеніне қатты ренжімегені белгілі болды.

"Негізі бұл ескі көлік. Іздемей-ақ та қойсаңыздар болатын еді … Шындығында, мен оны тез табады деп емес, мүлдем табады деп күткен емеспін. Мұны жасағандарды тапты. Ең бастысы, олар ұсталды, енді осы бұзақылардың қолынан ешкім зардап шекпейді.

Мен полиция қызметкерлеріне тез жауап бергені және өте жақсы жұмыс істегені үшін алғыс айтқым келеді. Маған олардың қалай жұмыс істейтіні ұнады. Өз атымнан оларға үлкен рахмет айтқым келеді", – деді өз кезегінде ұрланған көліктің иесі.

Полиция жыл басынан бері көлік құралдарының ұрлану саны 2,1 есеге азайғанын атап өтті. Қылмыстың бұл түрін ашу деңгейі 90,4% құрайды.

Айта кетейік, Сайрам АПБ-ның криминалдық полиция қызметкерлері Түркістан облысының үш ауданы мен Шымкент қаласында жасалған тоғыз пәтер ұрлығына қатысы бар үй ұрысын құрықтады.

Ал Атырауда 47 жастағы азамат жолдастарының үйіне барып, 14000 доллар мен зергерлік бұйымдарды қолды қылғаны белгілі болды.

Мақаланың түпнұсқасы: https://kaz.nur.kz/accidents/1872505-almatyda-mas-adam-zge-bireudi-kligin-rlap-rtep-ziberdi/

jitsu gif