Ақмола облысында жол апатынан екі адам көз жұмып, бір бала ауыр жарақаттар алды (фото)

30 мамыр күні Нұр-Сұлтан-Петропавл тас жолында жол апаты болып, екі адам көз жұмды. Бұл туралы Ақмола облысы полиция департаментінің ресми сайты хабарлады.

Белгілі болғандай, 30 мамыр күні Бұланды ауданының полиция бөліміне Нұр-Сұлтан қаласының 25 жастағы тұрғынынан Бұланды ауданының Алакөл ауылы маңындағы "Нұр-Сұлтан-Петропавл" тас жолының 138 шақырымында жол-көлік оқиғасы орын алғаны туралы телефон хабарламасы келіп түскен.

VolkswagenPolo көлігінің 30 жастағы жүргізушісі Нұр-Сұлтан қаласы бағытында келе жатып, көлікті басқара алмай, алда келе жатқан MercedesBenz маркалы жүк көлігімен соқтығысқан. Көлік рулінде елорданың 25 жастағы тұрғыны болған.

Соққыдан VolkswagenPolo көлігі аударылып кетеді. Жол апаты салдарынан ауыр жарақаттар алған VolkswagenPolo көлігінің жолаушылары - 67 жастағы ер адам мен 56 жастағы әйел оқиға орнында көз жұмды. Екеуі де елорда тұрғындары болып шыққан.

Ақкөл ауданының орталық ауруханасына VolkswagenPolo көлігінің 4 жасар жолаушысы "ауыр бас-ми жарақаты, бас миының соғылуы, сол жақ париетальды уақытша сүйектің сынуы, сол жақ иық буынының соғылуы, беттің көптеген сыдырылуы" диагнозымен жеткізілді.

Полицейлер Қылмыстық кодекстің 345 бабы 4-бөлігі "Көлік құралдарын басқаратын адамдардың жол қозғалысы немесе көлік құралдарын пайдалану ережелерін бұзуы" бойынша сотқа дейінгі іс жүргізуді бастады. Сараптама тағайындалды.