Алматы әкімдігінің шабуыл мен өрттен кейінгі күйі қандай

Опубликовано:

Алматы әкімдігі
Алматы әкімдігі. Фото: KAZ.NUR.KZ/Владимир Третьяков

Алматы әкімдігінің ғимараты бұзақылардың шабуылынан соң айтарлықтай бүлінген. Оны ғимараттың сырттай көрінісінен байқауға болады, алайда келтірілген залалды құзырлы органдар тек мұқият тексеріс пен қажетті іс-шаралардан соң бағалай алады, деп жазады KAZ.NUR.KZ тілшісі.

Журналистер әкімдікке Назарбаев даңғылы жағынан ғана баруға мүмкіндік алды, онда да тек қызметтік құжатты көрсеткен жағдайда аумаққа кіруге болады.

Автокөлік
Өртенген автокөлік.Фото: KAZ.NUR.KZ/Владимир Третьяков

Бірнеше телеарна редакциясы орналасқан ғимараттың маңындағы ауладан өртенген автокөлік қалдықтары жатыр. Ғимараттың өзіне де нұқсан келген.

телеарналар
Телеарналар орналасқан ғимарат.Фото: KAZ.NUR.KZ/Владимир Третьяков

Оқ тиген автокөліктер де бұл сәтте алаңда тұрды.

Республика алаңы
Республика алаңы.Фото: KAZ.NUR.KZ/Владимир Третьяков

Сәтпаев көшесі блоктармен жабылған, жақын жатқан көшелерден ол жаққа өту мүмкін емес.

Здание на площади
Фото: NUR.KZ/Владимир Третьяков

Полицейлер жаяу жүргіншілерді де алаң аумағына жібермейді. Түсірілім жүргізген 10 қаңтар күні Республика алаңына ешкімді өткізген жоқ - онда тергеп-тексеру шаралары жүргізілді.

Резиденция
Резиденция. Фото: NUR.KZ/Владимир Третьяков

Сондай-ақ, қала әкімдігі ғимаратынан бөлек, президенттің резиденциясына да нұқсан келген. Ғимаратты өрт шалған, ішкі әрлеуі де бүлінген.

Алматы
Алматы әкімдігі. Фото: KAZ.NUR.KZ/Владимир Третьяков

Келтірілген шығынды алыстан-ақ бағамдауға болады - іші-сырты жанып кеткен нысандар, сынған әйнектер, айналасында шашылып жатқан күл-қоқыстар, бос қалған пластик бөтелкелер көп.

Алматы
Алматы әкімдігі. Фото: KAZ.NUR.KZ/Владимир Третьяков

Бүгін, 11 қаңтарда қала билігі ғимаратты қалпына келтіруге қанша, қандай ресурстар керектігін анықтау үшін тексеруге кірісті. Қала әкімінің орынбасары Мұхит Әзірбаевтың сөзінше, тергеп-тексеру әрекеттерінің жүргізілуіне байланысты қала әкімдігіне бұған дейін бару мүмкін болмаған.

Алматы
Қала әкімдігі.Фото: KAZ.NUR.KZ/Владимир Третьяков

Әкімдік жанында орналасқан A-Parking паркоматының да сау-тамтығы қалмаған. Компания кеше ТЖ кезінде көлік тұрағы үшін төлемеген алматылықтарға айыппұл салынбайтынын мәлімдеді.

Паркомат разбит
Паркомат. Фото: NUR.KZ/Владимир Третьяков

Алматы әкімі Бақытжан Сағынтаев қала тұрғындарын қажеттілік туындамаса үйден шықпауға және ТЖ тәртібін бұзбауға шақырды. Ол мегаполистің тез арада қалыпқа келетініне сенім білдірді. Айта кету керек, бүгіннен бастап, базарлар, ойын-сауық орталықтары жұмыс істей бастады.

Алматы
Алматы әкімдігі. Фото: KAZ.NUR.KZ/Владимир Третьяков

Сондай-ақ, бүгін президент Қасым-Жомарт Тоқаев парламент мәжілісі отырысында сөйлеген сөзінде Алматыдан бақылауды жоғалтқан жағдайда, бүтін елден айырылып қалуымыз мүмкін еді деген мәлімдеме жасады.

Машина стоит разбитая
Фото: NUR.KZ/Владимир Третьяков

Бұдан бұрын Алматы ПД ғимаратын полиция мен әскерилер шабуыл кезінде қалай қорғағанын жазған болатынбыз.

Полиция на площади Республики
Фото: NUR.KZ/Владимир Третьяков

Площадь Республики
Фото: NUR.KZ/Владимир Третьяков

Мақаланың түпнұсқасы: https://kaz.nur.kz/accidents/1950574-almaty-akimdiginin-sabuyl-men-ortten-keiingi-kuii-qandai-foto/

jitsu gif