Қызылорда облысында жол апатынан 8 адам қайтыс болды

Қызылорда облысындағы "Шымкент-Самара" тас жолында 8 адамның өліміне себеп болған жол апаты тіркелді, деп хабарлайды Polisia.kz.

Қайғылы оқиға Арал ауданы Аралқұм елдімекені аумағында болған. Тәртіп сақшылары жол апатынан 8 адамның ажал құшқанын хабарлады.

Қазіргі уақытта Қылмыстық кодекстің 345-бабы 4-бөлігі бойынша (Автокөлікті басқарған адамның абайсызда екі немесе одан да көп адамның өліміне әкеп соқтырған жол-қозғалысы ережелерін бұзуы) сотқа дейінгі тергеу амалдары жүріп жатыр.

Тиісті сот сараптамалары тағайындалды, болған жайттың мән-жайы анықталуда.

Одан бөлек, Қызылорда облысының комендатурасы жүргізушілерден өңірде ауа райы нашарлауына байланысты жол-қозғалысы ережелерін қатаң сақтауды өтінеді.