Алматының орталығынан қару-жарақ арсеналы табылды (видео)

Алматының орталығынан жаппай тәртіпсіздіктер кезінде жасырылған қару-жарақ арсеналы табылды деп хабарлайды ІІМ ресми сайты Polisia.kz.

Қойманың қаңтар айының басында қалада болған дүрбелең ошағынан табылғаны белгілі болды.

"Жедел іс-шараларды жүргізу барысында “Самал” ықшамауданындағы Мемлекеттік мұражайдың жанынан қызметтік-іздеуші ит арсенал қоймасын тапты. Жасырылған жерден травматикалық қарулар мен гранаталар тәркіленді.

Жақын жердегі қоқыс жәшігінен патрондар табылды: 12 калибрлі – 19 дана, 7,62 калибрлі – 7 дана, 5,45 калибрлі – 4 дана. Оқ-дәрілердің тиесілігі тексеру барысында анықталады", – дейді Медеу аудандық Полиция басқармасының бастығы Дәурен Өтебаев.