Top.Mail.Ru

Сайт нұсқасы

ru kz

Зектілері

Жамбыл облысында ірі көлемде есірткі тасымалдаған елордалық ұсталды

Опубликовано:

Жамбыл облысында ірі көлемде есірткі тасымалдаған елордалық ұсталды
Видеодан кадр: Polisia.kz

Жамбыл облысында ірі көлемде есірткі тасымалдаған Нұр-Сұлтан тұрғыны ұсталды, деп хабарлайды ІІМ ресми сайты Polisia.kz.

"Қарасора-2022" республикалық жедел алдын алу іс-шарасы барысында есірткі қылмысына қарсы іс-қимыл басқармасының, патрульдік полиция батальонының, ПД кинологиялық қызмет орталығының қызметкерлерінен арнайы мобильді топ құрылды. Олар Жамбыл облысының аумағына кіретін және шығатын автокөлік құралдарын тексеру бойынша мақсатты жұмыстар жүргізуде.

Осындай іс-шаралар барысында Алматы-Екатеринбург республикалық маңызы бар тас жолының 360-шақырымындағы Мойынқұм ауданы Шығанақ кентінің жанында Нұр-Сұлтан қаласының 41 жастағы тұрғынының басқаруындағы ВАЗ-21014 автокөлігін тоқтатты.

Тея қызметтік-іздестіру итімен бірге автокөлікті тексеру барысында көлік салонынан ақ полиэтилен пакеті табылып, тәркіленді. Оның ішінде жалпы салмағы 3 келі 30 грамм болатын гашиш табылды.

Күдікті өз кінәсін толық мойындады, Қордай ауданының уақытша ұстау изоляторына қамауға алынды.

"Аталған дерекке қатысты Қазақстан Республикасы Қылмыстық кодексінің 297-бабы 3-бөлігі (Есірткі заттарын өткізу мақсатында аса ірі мөлшерде заңсыз сақтау мүлкі тәркіленіп, он жылдан он бес жылға дейінгі мерзімге бас бостандығынан айыруға жазаланады) бойынша сотқа дейінгі тергеу амалдары басталды. Қазіргі уақытта аталған қылмысқа басқа да тұлғалардың қатыстылығын анықтау бойынша жедел-тергеу іс-шаралары жүргізілуде", – деді Жамбыл облысының полиция департаменті есірткі қылмысына қарсы іс-қимыл басқармасының бастығы Асқар Жұмабеков.

Мақаланың түпнұсқасы: https://kaz.nur.kz/accidents/1978126-zambyl-oblysynda-iri-kolemde-esirtki-tasymaldagan-elordalyq-ustaldy/

pixel