Полиция көлігі қаққан алматылық әйел оқиға орнында көз жұмды

Алматыда полицияның қызметтік автокөлігі жолдан өтіп бара жатқан әйелді қағып кетті, салдарынан 49 жастағы алматылық оқиға орнында көз жұмды. Алматы қаласы ПД бұл ақпаратты растады, деп хабарлайды KAZ.NUR.KZ тілшісі.

Жол-көлік оқиғасы түсірілген видео Instagram-дағы krisp_almaty парақшасында пайда болды.

Жазба сипаттамасында оқиғаның Жансүгіров көшесінде болғаны жазылған.

Алматы қалалық полиция департаменті полиция қызметкерінің жаяу жүргіншіні қағып кеткенін растады.

"Полицияның қызметтік көлігін тізгіндеген 1993 жылғы азамат – патрульдік полиция полкінің қызметкері Жансүгіров көшесімен оңтүстік бағытта келе жатып, Ақпаев көшесімен қиылыста 49 жастағы әйелді қағып кетті. Өкінішке қарай, әйел оқиға орнында көз жұмды", - делінген департамент хабарламасында.

Аталған дерек Қылмыстық кодекстің 345-бабы 3-бөлігі бойынша сотқа дейінгі тергеудің бірыңғай тізіліміне тіркелді. Полиция қызметкері уақытша ұстау изоляторына қамалды.

Мақаланың түпнұсқасы: https://kaz.nur.kz/accidents/1981729-policiya-koligi-qaqqan-almatylyq-aiel-oqiga-ornynda-koz-zumdy/