"Талдықорғандағы трагедия": Жол-көлік апатынан 4 жасар бала қайтыс болды (видео)
Жарияланған күні:
Жетісу облысында жол-көлік апатынан төрт жасар бала қайтыс болды. Бұл туралы Ішкі істер министрлігінің ресми Telegram арнасы хабарлады, деп жазады KAZ.NUR.KZ.
Жол-көлік апаты BMW 530, ВАЗ-2114 және Toyota Chaser автокөліктерінің қатысуымен болған.
Көліктердің соқтығысуы салдарынан 4 жасар бала көз жұмды. Сондай-ақ, жол-көлік апатынан ВАЗ-2114 автокөлігінің 23 жастағы жүргізушісі мен жолаушылардың бірі жарақат алып, ауруханаға жеткізілді.
BMW 530 көлігінің 42 жастағы жүргізушісі Рақышев көшесінде ВАЗ-2114 көлігімен соқтығысып, автотұрақта тұрған Toyota Chaser көлігін де соққан.
Медициналық сараптамаға сәйкес, жол-көлік апатын жасаған жүргізушінің мас күйде болғаны анықталды.
Мақаланың түпнұсқасы: https://kaz.nur.kz/accidents/1996856-taldyqorgandagy-tragediya-zol-kolik-apatynan-4-zasar-bala-qaitys-boldy-video/
