Қызылорда облысында КамАЗ, бензовоз бен жеңіл көлік соқтығысып, 4 адам қаза тапты
Опубликовано:
14 желтоқсан күні Қызылорда облысының Тереңөзек-Қызылорда тас жолында үш көлік соқтығысып, 4 адам қаза тапты, деп хабарлайды POLISIA.KZ ресми жаңалықтар арнасы.
Полицияның мәліметінше, жол-көлік оқиғасы Қызылорда облысының Тереңөзек-Қызылорда тас жолының 60/31 шақырымында болған.
"КамАЗ бен бензовоз көліктерінің жеңіл автокөлікпен соқтығысу салдарынан 4 адам қайтыс болып, бір адам түрлі дене жарақаттарымен ауруханаға жатқызылды", - деп жазылған хабарламада.
Қазіргі таңда орын алған жол-көлік оқиғасына қатысты Қылмыстық кодекстің 345-бабы 4-бөлігімен сотқа дейінгі тергеп-тексеру жұмыстары жүргізілуде.
Сондай-ақ тиісті сот сараптамалары тағайындалғаны белгілі болды.
Мақаланың түпнұсқасы: https://kaz.nur.kz/accidents/2001647-qyzylorda-oblysynda-kamaz-benzovoz-ben-zenil-kolik-soqtygysyp-4-adam-qaza-tapty/