Top.Mail.Ru

Сайт нұсқасы

ru kz

Зектілері

Алматы облысында жан түршігерлік жол апатынан бес адам мерт болды

Опубликовано:

жол апаты
Жол белгісі. Көрнекі фото: NUR.KZ/Петр Карандашов

Алматы-Бішкек тас жолында болған жантүршігерлік жол апатынан бес адам қаза тауып, үшеуі жарақат алды. Жол-көлік оқиғасының мән-жайын Алматы облысы бойынша Полиция департаменті айтты, деп хабарлайды KAZ.NUR.KZ.

Әлеуметтік желіде оқиға орнынан жан түршігерлік видео тарап жатыр. Кадрларда жалынға оранған көлік пен бір топ ер адам зардап шеккендерге көмектесуге тырысып жатқандары байқалады. Оқиға Алматы облысындағы Ақтерек ауылының маңында болғаны көрсетілген.

Облыстық Полиция департаменті 24 желтоқсан күні Жамбыл ауданында Toyota Camry, Daewoo Nexia және DAF Trucks жүк көлігі соқтығысты деп хабарлады. Апат 5 адамның өмірін қиды.

"Алдын ала анықталғандай, 33 жастағы Toyota Camry жүргізушісі Алматы-Бішкек тас жолының 126 шақырымында тіркемесі бар DAF Trucks-ты басып озған кезде Daewoo Nexia-мен бетпе-бет соқтығысып, содан кейін инерциямен барып жүк көлігіне соғылған.

Оқиға орнында 4 адам көз жұмды. Тағы 4 адам түрлі жарақаттармен жақын маңдағы ауруханаға жеткізілді, олардың біреуі сонда қайтыс болды", – деп хабарлады ведомствоның баспасөз қызметі.

Тергеу Қылмыстық кодекстің 345-бабы 4-бөлігі ("Абайсызда екі немесе одан да көп адамның өліміне әкеп соққан жол қозғалысы ережелерін бұзу") бойынша жүргізіледі. Сараптамалар тағайындалды.

Мақаланың түпнұсқасы: https://kaz.nur.kz/accidents/2002916-almaty-oblysynda-zan-tursigerlik-zol-apatynan-bes-adam-qaza-tapty/

pixel