Шымкентте ер адам өз пәтерінен өлі күйде табылды

Шымкентте өз пәтерінде ер адамның өлі денесі табылды, деп хабарлайды Polisia.kz.

Басылым мәліметінше, 7 қаңтарда сағат 00:40 шамасында Шымкент қаласы ПД Еңбекші ауданы Полиция басқармасының кезекші бөліміне Қазанқап ақын көшесіндегі үй тұрғындарынан көрші пәтерде жанжал болып жатқаны туралы хабарлама келіп түскен.

​Жедел-тергеу тобы белгісіз адамдар аталған пәтердің тұрғынын, 42 жастағы ер азаматты ұрып-соққанын анықтады.

Сондай-ақ алынған дене жарақаттарынан ер адам оқиға орнында қайтыс болғаны белгілі боды.

"Бұл дерек Қылмыстық кодекстің106-бабы 3-бөлігі (Абайсызда жәбiрленушiнiң өліміне әкеп соққан не қылмыстық топ жасаған денсаулыққа қасақана ауыр зиян келтіру) бойынша СДТТБТ-ға тіркелді. Сот-медициналық сараптама тағайындалды. Қазіргі уақытта сотқа дейінгі тергеп-тексеру әрекеттері жүргізіліп жатыр", - деп хабарлайды ведомство өкілдері.