ТЖМ су басқан Түркістан облысындағы қазіргі ахуал қандай екенін айтты (фото)

Төтенше жағдайлар министрлігі ресми сайтында Түркістан облысында қалыптасқан су тасқыны ахуалы және қабылданып жатқан шаралар туралы соңғы ақпаратты ұсынды, деп хабарлайды KAZ.NUR.KZ.

Ведомствоның мәліметінше, қазіргі уақытта бес елдімекенде, атап айтқанда Бәйдібек ауданында Шаян мен Шақпақ, Сауран ауданында Шаға, Созақ ауданының Шолаққорған ауылдарында және Арыс қаласында су бұру жұмыстары жүргізілуде.

"ТЖМ және жергілікті атқарушы органдардың күштерімен үйлерді су басуға жол бермеу мақсатында 13 000 құм салынған қап төсеу жұмыстары жүргізілді", - делінген хабарламада.

Су тасқынына қарсы жұмыстарға ТЖМ, жергілікті атқарушы органдардың, Қорғаныс министрлігінің күштері мен құралдарынан 430-дан астам адам, 70-ке жуық техника, 43 мотопомпа жұмылдырылды.

"ТЖД күшімен Кентау қаласындағы Қарнақ ауылының, Сауран, Бәйдібек аудандарының су басқан аула аумағынан 204 адам, оның ішінде 111 бала эвакуацияланды, 201 ұсақ мал қауіпсіз жерге айдалды. Халықты эвакуациялау және уақытша орналастыру үшін жергілікті атқарушы органдар Сауран ауданында 4 эвакуациялау пунктін дайындады", - деді ведомстводан.

Қазіргі таңда облыстық және республикалық жедел штабтар қызмет көрсетуде және штабтар базасында "Жедел желі" телефоны ашылған.

"Қазгидромет" РМК дерегінше, 3 ақпанда облыстың басым бөлігінде жауын-шашын (жаңбыр, қар) түседі. Сондай-ақ температуралық фонның жоғарылап, қар ериді, өзендердегі су деңгейі көтеріледі де күтілуде.