Қызылордадағы мектептердің бірінде оқушы пышақ жарақатын алған
Опубликовано:
![сынып сынып](https://cdn.nur.kz/images/1120x630/e6504206dddf5335.jpeg)
Қызылордадағы мектептердің бірінде оқушы білім ошағының ғимаратында пышақ жарақатын алған. Бұл туралы облыстық полиция департаменті NUR.KZ тілшісі хабарлады.
Ведомствоның мәліметінше, 4 сәуірде қала мектептерінің бірінде оқушылар арасында жанжал шығып, салдарынан бір оқушы пышақ жарақатын алған.
"Жасөспірім ауруханаға жеткізіліп, медициналық көмек көрсетілгеннен кейін үйіне жіберілді. Бұл дерек бойынша қылмыстық кодекстің 293-бабы бойынша тіркеліп, тиісті сараптамалар тағайындалды", - деп хабарлады Қызылорда облыстық олиция департаменті өкілдері.
Күдікті полиция бөлімшесіне жеткізіліп, ата-анасына қарауына тапсырылды. Іс бойынша тергеу амалдары жүргізілуде.
Мақаланың түпнұсқасы: https://kaz.nur.kz/accidents/2015610-qyzylordadagy-mektepterdin-birinde-oqusy-pysaq-zaraqatyn-algan/