Абай ауданында Ертіс жағасынан өтіп бара жатқан тұрғындар 6 жасар баланың денесін тауып алды

Кеше Абай ауданында кішкентай бала Ертіс өзеніне құлап, жоғалып кетті. Оның денесі бүгін табылды, деп хабарлайды КТК телеарнасы облыстық Төтенше жағдайлар департаментінің баспасөз қызметіне сілтеме жасап.

Ведомство мәліметінше, 21 сәуір күні сағат 19:56-да "112" пультіне Семейдегі аквапарк маңында баланың суға құлап кеткені туралы хабарлама түскен.

"22 сәуір күні сағат 09:45-те баланың мәйітін оқиға орнынан 15 шақырым жердегі Ертіс өзенінің жағасынан өтіп бара жатқан адам тауып алды", - дейді Абай облысының ТЖД өкілдері. Куәгерлердің айтуынша, бала жағада ойнап жүріп, суға құлап, жоғалып кеткен.

Телеарна дерегінше, іздестіру жұмыстарына Абай ауданы Төтенше жағдайлар департаментінен 20 адам, алты техника, үш жүзу нысаны, LIDER.KZ сайтының 20 еріктісі, баланың 10 туысы, 50 полиция қызметкері жұмылдырылды.

Дереккөз КТК арнасы