Павлодар облысында 4 жасар бала шұңқырға құлап, көз жұмды

31 мамырда Мойылды кентінде септикте 2019 жылы туған жас баланың денесі табылды. Бұл туралы "ҚР ІІМ жаңалықтары" Telegram арнасы хабарлады.

Ведомствоның хабарлауынша, бала ата-анасының назарынан тыс қалып, көрші үйлердің бірінің ауласында орналасқан ағаш палубамен жабылған септикке құлағаны белгілі болды.

"Осы факті бойынша Қылмыстық кодекстің 140 бабы бойынша сотқа дейінгі тергеп-тексеру басталды. Сараптама тағайындалды", - делінген хабарламада.

Ішкі істер министрлігінің ресми ақпаратына сүйенсек, Конституцияның 77 бабы 3-тармағының 1 тармақшасына сәйкес, Қазақстанның қылмыстық іс жүргізу кодексінің 19 бабы 1 бөлігіне сәйкес "Адам соттың заңды күшіне енген үкімімен кінәлі деп танылғанға дейін кінәсіз болып есептеледі".