Абай облысында 200 гектар жерде қамыс өртенді

Абай облысының Көкпекті ауданында ірі өрт шықты - 200 гектар аумақта қамыс өртенді. Бұл туралы Төтенше жағдайлар министрлігі Telegram-дағы ресми арнасында хабарлады.

Жергілікті атқарушы органдардың ақпаратына сәйкес, кеше, 2 шілдеде Көкпекті ауданы Үлгілі Малшы ауылынан 50 шақырым жерде күндізгі сағат 11 шамасында қамыс өртенген.

Оқиға орнына қарауылдауды жүзеге асыратын жергілікті атқарушы органдардың бейінді қызметтерінің өкілдері дереу жетті.

Қазіргі уақытта өрттің болжамды ауданы 200 гектарды құрайды.

Төтенше жағдайлар министрлігі елді мекендерге қауіп жоқ екенін айтты.

Зардап шеккендер де жоқ.

Үлгілі Малшы ауылдық округі әкімдігінің ақпараты бойынша Мемлекеттік өртке қарсы қызмет органдарының күштері мен құралдарын тартуға қажеттілік болмаған.