Атырауда жүк пойызы мен жолаушылар автобусы соқтығысты

11 шілдеде Атыраудағы теміржол өткелінде жүк пойызы мен жолаушылар автобусы соқтығысты. Полицияның дерегінше, автобус жүргізушісі жол ережесін бұзған, деп хабарлайды "Мой город".

Басылымның ақпаратынша, жол апаты кеше, 11 шілдеде сағат 14.00 шамасында болған.

Атырау полициясының мәліметінше, Рауан көшесіндегі темір жол өткелінде пойыз бен №2 жолаушылар автобусы соқтығысып қалды.

"Соңғысының жүргізушісі рұқсат етілмеген жерден өткен", - делінген хабарламада.

Автобус жолаушылары қанағаттанарлық жағдайда. Патрульдер құжаттар жинап жатыр.