Астанада газ баллоны жарылды: зардап шеккендер бар

Кеше елордада газ баллоны жарылды. Салдарынан үш адам зардап шегіп ауруханаға жатқызылған, деп хабарлайды KAZ.NUR.KZ Астана ТЖД ресми сайтына сілтеме жасап.

Ведомство мәліметінше, 5 тамызда сағат 16.15-те Астана қаласы ТЖД Өрт сөндіру бөлімшелері Алматы ауданы Сарын көшесінде газ баллонының жарылуы туралы кезекті шақыруға шықты.

Оқыс оқиға орын алған жерге келгеннен кейін астаналық өрт сөндірушілер үйдің бірінші қабатындағы бойлер тұрған жерде ақау болғанын анықтаған. Газ баллонының дұрыс жұмыс істемеуінен үш адам зардап шеккен: 1995 жылы туған ер адам мен 2016 және 2021 жылы туған екі бала ауруханаға жатқызылған.

Тексеру кезінде цилиндр газ плитасына редуктор мен жоғары қысымды шланг арқылы қосылғаны анықталды. Алдын ала болжам бойынша электр қуатын кезекті қосу процесінде газдың ағып кетуіне байланысты газ-ауа қоспасының жарылуы орын алған.

ТЖМ азаматтарды газ баллондарын пайдалану ережелерін қатаң сақтауға оларға тек лицензияланған қызмет көрсету станцияларында жанармай құюды жүзеге асыруға шақырады.